ضارب على حبك سكاكين وحداد
قلت الهوى جاني على صدفة أيام
والصدفة أحيانا تساوي ألف ميعاد
محبوبي في عيني أمير المزايين
ماودي أسمع طاري فراق وبعاد
محبوبي في عيني اهو زهرة العين
وقت الوصايل تصبح بشوفته اعياد
وفجأة لقيت الحب كذبن وتمثيل
وضاعت ثلاث سنين في لحظة عناد
وقررت أتبع في خطاويه وأزيد
وارسم حكاية حب وأكون جاد
لقيته يتبعني وهو أعمى على الكذب
وصار المحب صاير مولع ومنقاد
ورديت له كف الخيانة بكفين
ومن صاد قلبي لازم اليوم ينصاد
أبي حبيبن ماله في الجوف قلبين
قلبن يحبني وقلب للغير منحاد
ونسيت حبه أو تناسيته الحين
وضارب على حبه سكاكين وحداد
مشاركة: ضارب على حبك سكاكين وحداد
مشاركة: ضارب على حبك سكاكين وحداد
