قصه بداية سفرعائله خليجيه...أب الأسره يا الله مشينا نبغى نمشى قبل الظلام...علشان أشوف الدرب...
وأنا أسوق السياره...حان الرحيل ورانا كم ميل وميل...تذكروا نسينى شئ يأم فلان...لاكل أمورنازاهبه...
عفش السفرأخذناه...حتى جوازات السفر...جهزتها في درج السياره...يالله يالله يأم فلان يابنت ياولد
لاتنسوا أغراض الرضيع...ملابسه مائه حليبه لهايته...خلاص ركبتوا السياره باقي شئ نسيناه لا...
مشت السياره...بداية متعة سفر...في الطريق فيه شئ من الونس...مشوا مشواخلاص وصلواالمنفذ...
أعطيني الجوازات نعطيهم يخلوصونا...عطوهم الجوازات خلصوا...مشواوزادت المتعه أكثر...ياأولاد
لاتنامون كلكم...البنت لايبه وش نام الرحله جميله...مايدرون وش بتسوي فيهم الأقدار...مشوا مشوا...
شوفي الأولادوش يسون...الأم شوفهم مستانسين...الولد يناظر من فزاز السياره...والبنت مسليه حالها
تقرأفي كتاب...البنت يمه فيه قصه مره حزينه أقراها لك...لايمه خليهالوقت ثاني يمه...لاخلصتها أبغى
أنام...الأم الحين أبغى أشوف منظرالصحراء وكثبانها...كيف النبات متئقلمه معها...مع إنه قيض...
الشمس في كبد السماء...كيف يقاوم العطش...يابوفلان شفت الرضيع من وقت ماطلعنانايم خليه ينام
...علشان مايزعجني صياحه...ياولدشف البعارين شفهاقبل الظلام...الولد يبه ليش لونها أسود...هذي
ياولدي ينقالهاالمجاهيم...تصدقين لويحل الظلام مانشوفها...المشكله مالهاراعي مفلوته...والخط زي
ماتشوفون...مافيه شبك ولاسياج...ولا أمن الطرق...شوفي السيارات المسافره نادره نشوف وحده
...الأم ليش مايسون شبك ولاشئ يمنعها من الدخول في الخط...الأب الله يهديك تبغيهم في البران
يسون شبك وسياج...أكيديكلف الشئ الكثيريبغالهاميزانيه...الظاهر إني أسولف على نفسي...
الأولادغطوا في النوم ...صاح الرضيع واء واء واء واء...أكيد حس بالجوع...وين رضاعته يأم فلان
...أصحي عطي الولدرضاعته...بدأ يرضع ثم بعدها نام...وش ذا شفتي تجاوزه كان بيصير له حادث
...يأم فلان يأم فلان الظاهر رجعت نامت...ما بقيت إلا أناصاحي...يالله بشرب شاهي...علشان
أصحصح...مدري كم باقي حتى نوصل أقرب مدينه...ياترى قطعنا نصف المسافه...هذي الوحه
تقول تعدينا نصفها وشوي...أجل نمشي حتى نوصل...وبعدهاأرتاح...يمشي...يمشي...يمشي
...يزيد السرعه...زاد النوم عليه...وش ذاالصوت...الظاهرصوت الكفراتفي العاكس...يمشي...
زاد النوم عليه...انحرفت السياره مره يمين ومره يسار...أنحرفت راحت بعيدعن الخط تلاعبت بهم
...غبار...غبار...صارت عجه...تقلبت السياره...ثم طاحت في معبر تحت ...بعيد عن خط سيرهم
...مع إقتلاب السياره تناثرت الجثث من السياره متقاربه...الأب مات ...الأم ماتت...الولدمات...
البنت ماتت...بقي الرضيع عايش سبحان الله...يزحف إلى جثت أبيه...ويزحف إلى جثت أمه...
وش يسوي...كارثه...قضى باقي الليل يزحف...بين الجثث...أبي...أمي...ليش خليتوني وحدي
وأناطفل رضيع...قضى ليله في أسئله...قضى ليله يبكي...من بعدهامات الطفل الرضيع...مريوم
وثاني ...وثالث...ومن عقبها لقوا العائله المرحوه...حسبيالله ونعم الوكيل...مات الطفل الصغير...
مدري حزن...مدري من جوع وعطش...مدري قهر...مدري من كثرالبكاء...قضى نحبه ومات.
ياللأسف مات الطفل الرضيع
ياللحزن...ياله من أمرفضيع
مات وعنده أسئله
مات وما لقا له أجوبه
ليه...يبه...ليه...يمه...تركتوني وانا طفل صغير
ليه...ليه...وش ذنبي أنا وحدي في الصحراء أصير
من يجاوبني ويسمع ندائي
من يرضعني يعطيني غذائي
ليه تركتوني في وسط الظلام
ليه أناصاحي...وهم حولي نيام
ترك زحفه رساله للبشر
مابين أمه وابوه لها باقي أثر.
هذه قصه قرئتها في جرائدنا اليوميه صارت على عائله كويتيه
نعم لقد أحسست بألم عندما قرأت الخبر المصيبه مالقوا العائله إلا عقب
ثلاثة أيام كما قرأت في تللك الجريده تخيلوا لقوا أثر حبوا الطفل بين أمه وأبوه
الظاهر كان عايش وبعدهامات شئ مؤلم أن يحصل مثل هذالاكن هذا قضاء
الله وقدره وعساني ما قصرت في تصوير هذه المعاناه
قلب صارخ
...
