ياصاحبي ببدا انا بـس مـن ويـن
....... من وين اببدا قصة الجـرح فينـي
حزين شفني داخلـي الـف سكيـن
....... كل الوجع فـي داخلـي يحتوينـي
وانا بعد ربي خلقني علـى الديـن
....... اضحك واجامل بس حزني دفينـي
سجين للكرسي من سنيـن وسنيـن
....... حتـى تعودنـا بعـض ياسنيـنـي
حلمـن بنيتـه ياحـلام المساكيـن
...... منه التعاسه تنقـرى وسـط عينـي
ذنبـي فقيـر ولاعرفـت الملاييـن
...... وذنبي عشقت وذنب خلـي يبينـي
ربي خلق لي عقل واحساس ويدين
....... وقلبـن كبيـر وكلهـم عارفيـنـي
والطفله اللي وسط نبض الشراييـن
...... وش ذنبها دايـم تجـي ترتجينـي
ماعابني فقري بـس الفقـر شيـن
..... ولاهمنـي لـو زود الفقـر دينـي
يكفيني اني عارفـن قيمتـي زيـن
...... ويكفينـي انـك بالوفـا تنصفينـي
تقولي وينـك وانـا اقـول بعديـن
...... وانا اموت من الولـه مـن حنينـي
مجبور انا ابعد عاجز اوفي لك الدين
....... واعاقتـي هـي السبـب صدقينـي
اخـاف لاجيتـك علـى ماتوديـن
...... يصدمنـي الواقـع كـذا تفقديـنـي
احسن لنا نبقى كـذا بـس طفليـن
........ نعشق بعضنا بـس بينـك وبينـي
احساسنا احسـاس باقـي المحبيـن
....... يادنيتـي وش فرقـنـا علميـنـي
هذي نهاية قصـة احسـاس قلبيـن
....... ونهايـة احـلام الشقـى والونينـي
New4:
للشاعر : عبدالله بن جلاب
