كان فيه واحد " على نياته " ...

كان فيه واحد " على نياته " ...

جرّب يستثمر أمواله !

وكان عنده ببغاء يتكلم ..

لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره ... وقرر ياخذ الببغاء لمدرب الطيور علشان يعدّله ....

: يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ...

ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ....

: أنا مين ؟

قال : أنت صديق الغبي ...

وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ...

أخيرا .. قال له المدرب ..

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ....

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !

قال له راعيه : .. طيّب .. وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك .. تسوي فيها اللي تبي ..

قال : طيّب .. إذا دخّلت فلوسي عند " هابتكو " ؟!

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ...

: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟ ..

: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " .. صحيح إنك أذكى واحد في العالم ...

: .. طيّب .. وإذا دخلت فلوسي في الأسهم ؟ !

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

عاشق من بعيد
ههههههههههههههههههههه

والله من حقه ينقهر
صراحه راعيه ماهو غبي بس الا الغباء يتبرا منه

اقتباس:

---

المشاركة الأصلية كتبت بواسطة الصاعق

والله من حقه ينقهر
صراحه راعيه ماهو غبي بس الا الغباء يتبرا منه

---

يعني كل الى فى الاسهم اغبياء ...

والا مساكين...
...
:redhot: :redhot:

اقتباس:

---

المشاركة الأصلية كتبت بواسطة أبو محمد

عاشق من بعيد
ههههههههههههههههههههه

---

يديم الضحكه ابو محمد والفرح على محياك شاكر مرورك

يتقلعب: يتقلعب: يتقلعب:


يعطيك العافية يا عاشق

هههههههههههههههههههه

::sa08:: ::sa08:: ::sa08:: ::sa08:: ::sa08:: ::sa08:: ::sa08:: :) :) :) :) :) ::d:: ::d:: ::d:: ::d::

:fraud: :fraud: :fraud: :fraud:

::d:: ::sa08::