حقائق الشعب السعودي

حقائق الشعب السعودي

--------------------------------------------------------------------------------

*******************منقول بدون تصرف*****************************



حقائق الشعب السعودي



للدكتور صعب بن محمد الزعيمر الشراري {عكاظ} 528

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .


حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .


حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .


حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!


حنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .


حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم ..


حنا السعوديين أحسن المسلمين والعرب.(هيّن بس ) .!!

مشكور يالمختار على نقلك الرائع

وهذا الكلام ينطبق على مجتمعنا السعودي

لا أدري كيف نتجنب هذا الكلام ونكون مجتمع راقي

يتواكب دائما مع متغيرات ومجريات زمن العولمة

ههههههههههههههههههههههههههههههه

رهيب جدا جدا

رغم مافيه من الألم إلا أنه طريف لكل ما جمع وأورد فيه من عجايب

وكل نقطة من تلك النقاط تحتاج لمواضيع ومواضيع .


ألف شكر يا المختار

المختار حبيبي

وربي ضحكت الين قلت يالطيف

قسم بالله انك عرفت تختار

دمت بود


Kaspersky

اقتباس:

---

المشاركة الأصلية كتبت بواسطة الرررومانسي

مشكور يالمختار على نقلك الرائع

وهذا الكلام ينطبق على مجتمعنا السعودي

لا أدري كيف نتجنب هذا الكلام ونكون مجتمع راقي

يتواكب دائما مع متغيرات ومجريات زمن العولمة

---

عولمه مين لو تسأل الكثير من الناس عنها

بيقعد يغنيلك

عو عو لمه لم لم لمه

اقتباس:

---

المشاركة الأصلية كتبت بواسطة أبوإسماعيل

ههههههههههههههههههههههههههههههه

رهيب جدا جدا

رغم مافيه من الألم إلا أنه طريف لكل ما جمع وأورد فيه من عجايب

وكل نقطة من تلك النقاط تحتاج لمواضيع ومواضيع .


ألف شكر يا المختار

---

هو ألم واحد الا آلام شكرا بو اسماعيل

اقتباس:

---

المشاركة الأصلية كتبت بواسطة Kaspersky

المختار حبيبي

وربي ضحكت الين قلت يالطيف

قسم بالله انك عرفت تختار

دمت بود


Kaspersky

---

شكرا حبيبي وان شاء الله دائما تضحك

وهل يعلم هذا الشعب بالعائدات ومادور الشعب فيها وممثليه

انتقاء رااااائع أخي المختار

الله يعطيك العافية

ياحسرة علينا

حقائق صحيحة لمجتمع متناقض

اقتباس:

---

المشاركة الأصلية كتبت بواسطة شرهبة

وهل يعلم هذا الشعب بالعائدات ومادور الشعب فيها وممثليه

---

وكيف مايدري

الا يري بس ماهو عارف انه يدري

اقتباس:

---

المشاركة الأصلية كتبت بواسطة أميرة النرجس

انتقاء رااااائع أخي المختار

الله يعطيك العافية

ياحسرة علينا

حقائق صحيحة لمجتمع متناقض

---

الله يحيك أختي الأميره