قصيدة رائعة ومتميزة اعجبتني واحببت نقلها لكم
رووووووووووووووووعة وقمة في الابداع والشاعرية
تتكلم عن شريك العمر وكيف نختاره (حلم ولا علم )
أبي أوصف شريك العمر و أعبر بالقصيد ألوان
وأبيـن للمـلا شـي أحبـه بسيـد خـلانـي
أبيه من الملا واحد عزيـز و خيـرة العربـان
أبيـه بوقفتـه قـوة جبـل بالعـود رويانـي
أبيه بكلمته صلـب ٍ قـوي و للأسـد سجـان
أبيـه بطيبتـه فـذ ٍ أبـد مـا يشبهـه ثانـي
أبيه الحب و النخـوة أبيـه بصافـي التحنـان
أبيه يحبّني كلـي و أنـا لـه غالـي أثمانـي
أبيه عملاق بافعالـه أريـده بالطبـع إنسـان
يقـدر قلبـي الطيـب ويمسـح كـل أحزانـي
أبيه من الشعر أبيات و حبـي داخلـه ألحـان
يريـح خافقـي بحبـه إذا أقبـلـت حيـانـي
يقول أهلا و أهلي به حبيب و مسكن و اوطان
ألاقـي راحتـي يمـه إذا بالصـوت نـادانـي
أبيه يعالج جروحـي أبيـه بعالمـي الشطـآن
ألاقـي دنيتـي قربـه ظـلال وفـى هتانـي
أبيه الحب و المعنى .. عظيم و فارس الميدان
أبي الرجل الشجاع الي يعرفه قاصـي و دانـي
أبيه مصليٍ ٍ فرضه أميـن لطاعـة الرحمـن
أبيه بخلقه و اخـلاق مكمـل ديـن و ايمانـي
بكامل هالوصوف الي سمعتوها عطووه العنوان
أبربط إسمي بأسمـه و احبـه بكـل وجدانـي
