ما صار في قناة mbc

القصيدة للامير طلال بن عبدالعزيز الرشيد -الملتاع-
وجده سعود ابوخشم يقال انه اخ للامير عبدالله من الام 00000
والقصة اختلف فيها الرواة ومن ماسمعت من بعض الاخوة
ان قناة ام بي سي كانت تجري معه حوارا وكانت المذيعة تناديه
في بداية الحوار الامير 00
وبعد التوقف لفاصل معين تغير اللقب الى الشاعر او الاستاذ
فسألها عن السبب فقالت له ان احد ملاك القناة اخبرها
ان الرشيد ليس اميرا 000 والظاهر ان المتصل احد ابناء البراهيم -
يقال انه محمد البراهيم 00 الوافي00
فضحك واكمل الحوار وبعدها كتب هذه القصيده التي تناقلتها الالسن
والله اعلم 00000


يالصغير ما يكبرني لقب 0000ومايصغرني اليا انكرني صغير

ما خذينا الصيت من جمع الذهب 000ولا نسابة شيخ أو قربة أمير

كاسبينه من هل السيف الحدب 000الجنايز كان ما جاك النذير

صيتهم نجم على راسه لهب 000سمعوا الصقهان به واجهر ضرير

بالوفا تاريخ ابيض ينحسب 000لا حكوا بالحق حيين الضمير

ضيغمي ٍ للسناعيس انتسب 000لابت ٍ طلنا بها عرش ٍكبير

عند حدك يا كثير الهرج تب 000ولا تمر النار وثوبك من حرير

كان لك عز ٍ بذلي فتعقب 000والله إلا تبطي وحبلك قصير

احسب انك من صناديد العرب 000واثري ساترتك عباتك يا غرير

ما حسب لسّوس زراع القصب 000والقراده مادرا عنها البعير

لو حسبنا للحسايف والتعب 000مابذرنا يالعصافير الشعير

عن هلك وبراي لله احتسب 000الرجال اللي مجاراهم عسير

من قريش المصطفى وابو لهب 000والدغالب ما غشت عذب الغدير

للرجال من الرجاجيل العتب 000والزكاة اتحل في حال الفقير

لعن ابو وقتٍ غدينا به حطب 000تحرقه نارٍ.... يثورها أجير

ما ألومك الزمن سوا العجب 000هو بقى غير الكرامه بالجفير

ما أذل والراس يشم اللهب 000لو بقى من شمر ٍ طفل ٍ غرير

ما أهاب ولا يزلزلني غضب 000الشجاعة ورث والعاقل غزير

يا صغيّر ما يكبر باللقب 000غير منهو كان للدونه صغير

للشاعر.. الأمير .. طلال الرشيد000


منقول

مشكور اخوي بس ياليت كبرت الخط عيوني راحت وطي
يعطيك العافيه
النيزك

[c]


تسلم عيونك من كل شر

وتقبل تحياتي........[/c]

يعطيك العافية اخوي الصبح والليل

بس تعبت عيوني لأني البس نظارة..لاكن فداك

من أكثر من سنتين وأنا أبحث عن قصيدة اللقب ...
ويارب " صدفة أحلى من ألف ميعاد " والشكر لك أخي الصبح .

ولكن يقال إن صاحبه الأمير " السامر " وأن مكان الحدث الإمارات .
المهم أيا كان يستاهل لأن الأمير طلال الرشيد سليل ضياغم .

الشكر مرة أخرى .

[c]
يعطيك العافية يابوحسين وتسلم عيونك بين


بالوفا تاريخ ابيض ينحسب ******لا حكوا بالحق حيين الضمير

رحم الله الشاعرطلال بن عبدالعزيز رشيد

تحايا عاطرة

[/c]

[c]

مشكور أخي على هذه القصيدة

[/c]

الجميع لكم وافر الشكر على مروركم اللطيف

أبو أمجد : سلمت ولا سلم قليل العزائم

فعلا ياشاعرنا الحسن مكرمي

" صدفة أحلى من ألف ميعاد "

هو وجودك بيننا ولايهونوا الشباب

لتاريخ : وعيونك بعد من كل شر

أبومشعل : لاشكر على واجب

مشكور يا غالي دائما تتحفنا بالجديد

لاشكر على واجب شرهبه

وأشكرك على جهودك ومتابعتك ...

تحياتي..