من بادي الوقت .....مُجاراااه ...!!

[c]


السلام عليكم ورحمة الله وبركاته
مجاراة لقصيدة من بادي الوقت ..للأمير الشاعر خالد الفيصل
عادت بي الذاكره إلي بداية ظهور القصيده بصوت الفنان محمد عبده
حين كتبت هذهِ الكلمات المتواضِعه مجاراةً لها ...وكنت حديث عهد في الشعر....
آمل أن تنال شيئاً من إستحسانكم ...والعذر والسموحه على القصور..


من بادي الـوقت أطـارد ذاهـب أحـلامي
..........وارسم صورها بصافي الدمع وأمحيها

أشكي هموم(ن)تغلغل جوف العظامي
..........للــبادي اللي خلــق نـفـسي وباريها

أمشي مع الناس دايم شامخ(ن) زامـي
..........واكسّر العـبرات في نفسي واداريـها

من شافـنـي قـال:هني العـزلك دامـي
..........والبسمـة اللي مـحيّاك إشـتهـر فيها

ما يـدري إنـي حـقـيـقـة أمري إهلامي
..........والـنـار مابـيـن الــحـنـايـا دوم تصلـيها

أجـامـل الـنـاس وأسـايـر غبة أوهـامي
..........وأسلى كما طفل(ن)مع الدميه يناغيها



خربوش
[/c]

أخي خربوش

مشاء الله عليك إذا كانت هذه بدايتك بداية قوية.

وأتمنى ان نرى كل ما هو منك جديد ..