بسم الله الرحمن الرحيم ..
قد تسوء الانسان بعض الاشياء ،وتتهافت على قدميه اشياء يضنها اكبر من هامته ،ولكنه عندما ينظر اليها بالعين التي تقوده الى الجوزاء فانه يجدها احقر واقل من ان يلتفت اليها عوضا عن ان يهتم بها ..
ومن هنا كانت هذه الابيات لتحكي لبعض تلك الاشياء التي تهافتت كالهباء المنثور يدفعها بعض الغوغائية المتقوقعة على مانسمية بالعامية (الفزعة) ..ومما يزيد الطين بلة عندما تكون تلك الفزعة من جاهل ..
هذا موقف حصل لي ذات زمان فاختلى فكري بقلمه ليخط هذه الابيات ..لعلها ترضي غرور ذاك المتواري في اعماق زحل ينادي على شخص يعرفه جيدا ..
مساء الخير ياجرحٍ لجا بين الظلـوع سنيـن=يدبّ ولايهب مـن الريـاح الا صفـق بابـه
سلامٍ ي**ي العين الجذوب اللي لها صفيـن=لياما قفلـت جفـنٍ تثنّـت مـردف اهدابـه
سلامٍ يالزمان يـدور مابيـن الكـلام وبيـن=تراتيل الحروف بمجد حرفٍ هـي تحاكـا بـه
انا يامرسن قلوب البشـر لالـك ولا للدَيـن=انا حرٍ ليـا ستـل جناحـه طـارت اسرابـه
على مرقابي العالي أهـوج ولالمحتـك ويـن=تسافر بي مسافاتي الى اقصى الفكر وارقى به
ابيع اهل الردى واشري خوي المرجلة والدِين=ولايعني لي الفاجر ثمـن لـو فتّـل اشنابـه
احط لمن لفاني بالغلا مجلاس وسـط العيـن=من الحشمه يموت اقصى ولد ماحسّت اطنابـه
ومن قفا جفا والله فلانـي باطـرد المقفيـن=اوقّـع خاتمـة عرفـي لمثلـه بآخـر كتابـه
وردت العدّ بـذراع بزاهـا صـادق الجديـن=ليا هقوى على كبد الصبي ماخـاب مظرابـه
كتبها له جدود خاضوا الهيجا علـى الجاليـن=يصبّح في تهامه والعشي في الشرق مرقابـه
غرفت الشعر من بحر ٍخطير ان يغرق الشطين=ليا زمجر خذا تـاج الثريـا فـوق مشعابـه
احب اللـي ينافسنـي وارد الحـق بالحقيـن=واسامح في الخطا وان عادها تت**ر انيابـه
اصفي نيتي واحذر واعيش اليسر والا الليـن=مثل ماقال ابو القاسم وجسّدها لنـا اصحابـه
لبست من المراجل ثوبي الضافي على الكعبين=ورثته من صنايـع شايـبٍ ماتقصـر ثيابـه
واسافر للزمان اللي جمع فيصل وابن حثليـن=اعيش اللحظة اللي تغلـي الجالـب ومجلابـه
ولكني بشر وتسوقني صوب الجمـال العيـن=اصوغ به القصيد اللي ليا لبسـه تحلـى بـه
واكنّه لين تبرى لهفة الغالـي علـى الغاليـن=واسوقه ذكريات الشاعر اللي مانسى احبابـه
وامرّ على صديقٍ لي لجا بين الظلوع سنيـن=الا هبّت عليـه الريـح اجيـه اقفّـل ابوابـه
((ملاحظة /للعلم تم نشر هذه القصيدة تحت معرف الماجد او غيره في اكثر من منتدى الا انها تخص الماجد وان اظطر الى تغيير معرفه في بعض المنتديات ..وللجميع خالص الود))
