الظاهر اني عطيتك فوق حجمك

راسك علامك رافعه يـوم أحاكيـك
الظاهر إني عطيتـــك فوق حجمـك

لحظه نبي نرجـع دقيقـه لماضيـك
بــذكـرك فـي أي حـالـــه لقيـــتـك

كان الضيـاع ودمعتــــيـن تخاويـك
منهار وفي عـز انهيـارك خذيتـــك

وأرخصت عمري لجل أحبك وأداريك
هــــدمت قصـر الـذل فيـك وبنيتـك

كان الغـــــلا شمعـه تنـور لياليـك
لوأظلمت دنيـاك جيـت وحتويتـك

ياللأسف كنت أمدحـك وأفتخرفيـك
رفعت من شانـك وعليـت صيتـك

كنت أنت عندي غير ماأقدرأخليـك
أموت وأحيا ان قلت سـم وفديتـك

واليوم أشوفك خنت حتـى مباديـك
صغرت في عيني وأنا اللي هويتـك

الضيـف لـو انـه عـدو مـــــعاديـك
غصب عليك تقـدره وسـط بيتـك

ياصاحبي بتمـوت مانـي براجيـك
واشره علي ان كان حتـى طريتـك

لاصار ذل النفس في قلـب يغليـك
يلعنـك ياقلـب عشقـك وشريتـك

اضحك حبيبـي دام وقتـك مسليـك
باكر تموت مـن القهـر لانســـــيتك

*****************************

قَبْلَ بُرْهَةٍ مِنَ اَلأَزْمَةِ تَحَدَّثَ أَحَدُ (اَلْمَارَّة) عَنْ إِنَّهَا صَادِمَة!!!




لِمَ يُعْطَى أَكْثَرَ مِمَّا يُؤْخَذْ؟؟
أَهُوَ اَلتَّسَرُّبْ؟ .. أَمْ فَيْضِ كَرَمْ؟

إِعْطِ طَاَلَمَا كُنْتَ قَادِرَاً عَلَى اَلْعَطَاءِ
"فِيْ مَحَلّه"!... وَمَا نَفَعَ اَلإِنْسَانَ طَمَعْ!

بَاذِخٌ نَصَّكَ ذَا
شُكْرَاً لِلْمُتْعَة- أَدَبَاً لاَ أَقَلْ.

!l@