{قصيدة فتاة ليلة زفاف حبيبها}

جاني الخبر ياصاحبي وأظلم الكون
قدام عيني ثم نطقت الشهادة ....

على العموم أقولها ألف مليون
مبروك من قلب شكالك أبعاده ....

مبروك لايهمك سواليف وضنون
من عاشق يهديك فرحة فؤاده .....

سو الفرح اليوم وإبليس ملعون
واللي يشب النار يجني رماده ....

أنا أول العالم على الصالة يلفون
أول معازيم الفرح والحداده ....

أبشر أنا برقص على العرس بالهون
كل يعبر فرحته باجتهاده ....

لو البلى رقصي يقولون مزيون
المشكله القلب يفضح وداده ....

يوم العذارى في دخولك يغنون
وعروستك بأحلى ثواني السعاده ....

كنت أتمنى بدالها والله أكون
وأحط أنا كفي تحت راسك وساده ....

واشلون أبكتم صرختي يوم تمشون
تكفى خذني للعروسة قلاده ....

حتى معازيم الفرح قاموا يمشون
وأصبحت أنا وحدي بدون استفاده ....

وطفوا علي النور من غير يدرون
قصر الفرح ياقبر(غدير) ومهاده ....

وصيتي لوجاك بنت وأنا أمون
سميتها لك غدير قبل الولاده ....

رد على فتاه ليلة زفاف خطيبها
صدق عرسي حسيته ميمون
يوم صرت أنا واقف جنب غاده

جت صورتك في بالي وصرت مجنون
وش اللي ذكرني بحب انتهى عاده

شفتها وقلت لها وش لونك بالهون
غاده تصدقين ماحس بالسعاده

تذكرت محبوبتي تذكرت سحر العيون
رحمته ربي عساه بس يلطف بعباده

جت أختي للبنات تقول صدق ماتدرون
غدير جابت لغاده هديه قلبها قلاده

حسيت أنا بدوخه ولف بي الكون
يوم إني دريت انك معاي متواجده

وشلون أنا بمشي في الصالة بعون
وغدير وسط القاعة لابسه أسود حداده

خلاص مابنزف خلي الناس يتكلمون
غدير صار في قلبها قبر وأنا مهاده

وأنا اللي في قلب غدير مدفون
مابيننا بعد اليوم أي مواعده

تفكر إن كل اللي في قلبي بيضهرون
تحسب جت في مكانها يقلبي غاده

مادرت إن قلبي مع عقلي يبكون
ضيعوا أهالينا أجمل أيام السعاده

بس وش حيلتي يوم أهلك يرفضون
أتمنى أعيش متهني في رغاده

واسم بنتي بيكون غدير بدون مايدرون
حبيبتي مهما تفارقنا أنا وانتي في رغاده

وآسف على الاطالة

قصيدة جميله ولكن انت اجمل بكلماتك الجميله يا الدارسي