وشعل ولو شمعة صغيرة فـي متـر=أفضل ما تلعن طول عمرك في الظلام
ياخوك إحذر مـن لسانـك واعتبـر=خلك فطين ولا تهـوّر فـي الكـلام
دايم تمهّل في هروجـك واختصـر=وصحى تخلي حد ينوشـك بالمـلام
وحصد بصمتك قد ما تقـدر زهـر=بعض السوالف تنبت أزهار وخزام
ولجم لجامك في الغضـب لا تنفجـر=وتصير نادم منزوي تحـت الركـام
هذا اللسان اللي تشوفه كـم كسـر=في عثرته إرجال ناخت بالسنام
وعشق نصيحك وسكنه بين النظـر=وجلس مع العاقل ولو يوجد خصـام
وتعب على حالك وحـاول بالصبـر=توقف على أخطائـك وتتعلـم قـوام
العيب بأنك دوم في نفـس السطـر=الناس تمشي وانت تحبي مو حرام
شوف الصخر ما يحفره عنف المطر=ما يخلقه تكرار مـن كثـر الصـدام
وسأل ولا تخجـل وتتـردّد صفـر=أحسن ما تخطي وحدة مرة بألف عام
وشعل ولو شمعة صغيرة فـي متـر=أفضل ما تلعن طول عمرك في الظلام
ولزم بربعك والجماعة لا تفر=أخير من إنك قايـدٍ وسـط النعـام
وجمع بيدك من الحجارة في الدهـر=إبقد ما صارت بدربك مـن جسـام
ووثب على صعبك وحـارب تتعثـر=وبنـي بهـا سلـم يوصّـل للأمام
وقنع من الدنيا بمالـك من أمر=تغنى بذاتك من جشـع يكبـر دوام
وحـذر تجـادل لك سفيـه وتنتـصـر=ولا تعانـد جاهـلٍ بيـن الـعـوام
وعرف متى كثروا يغيبونـك بشـر=إنك بناجـح وبتسـم مثـل الكـرام
محدٍ أبـد يجلـس يرمـي بالحجـر=شجرة عقيمة لو بلحظـه إنهـزام
وكرم ضيوفك رغم ضيقـك والفقـر=وذبح عيالك لو عجزت تلقى طعـام
وفزع بـدارك لـو تعذوابـك نفـر=وحفظ لجارك حرمتـه إمـن اللئـام
واعتز بنفسك في علومـك وفتخـر=وقصر حضورك في ديـارٍ للعظـام
وقضي أمورك بين كتمان وستر=وسمع ضميرك لا تكابر في خصام
وذكر بعمرك تنقـص ايامـك عمـر=وتزيـد أحلامـك جفـافٍ وانعـدام
وتصير تشبه في طقوسك هالجـذر=تسقي لغيرك يذكـرك شـر وسـلام
وقضب بدينك قم صلاتـك والوتـر=صلى الجماعة واقفٍ خلف الإمام
واخر كلامي أنتبه خلك حذر=وبدى حياتك بالعطا مسك الختمام
مشاركة: وشعل ولو شمعة صغيرة فـي متـر=أفضل ما تلعن طول عمرك في الظلام
اقتباس:
المشاركة الأصلية كتبت بواسطة عناد كاتب
وكرم ضيوفك رغم ضيقـك والفقـر=وذبح عيالك لو عجزت تلقى طعـام
أخ خالد
قصيدتك جميله ومليئه بالمعاني والحكم
بس عندي ملاحظه على هذا البيت
(وكرم ضيوفك رغم ضيقـك والفقـر) الكرم خصله محموده في جميع الحالات لكن لايوصل الى الحرام وما لايجوز
(وذبح عيالك لو عجزت تلقى طعـام) ذبح العيال حرام وقد قال تعالى
( ولا تقتلو اولادكم خشية إملاق) الآيه
فلو بدلتها بأي مفردة اخرى لكان أفضل
وتقبل تحياتي
مشاركة: وشعل ولو شمعة صغيرة فـي متـر=أفضل ما تلعن طول عمرك في الظلام
اقتباس:
المشاركة الأصلية كتبت بواسطة عاشق مدوح
أخ خالد
قصيدتك جميله ومليئه بالمعاني والحكم
بس عندي ملاحظه على هذا البيت
(وكرم ضيوفك رغم ضيقـك والفقـر) الكرم خصله محموده في جميع الحالات لكن لايوصل الى الحرام وما لايجوز
(وذبح عيالك لو عجزت تلقى طعـام) ذبح العيال حرام وقد قال تعالى
( ولا تقتلو اولادكم خشية إملاق) الآيه
فلو بدلتها بأي مفردة اخرى لكان أفضل
وتقبل تحياتي
أستاذي الفاضل
كم سعدت بمداخلتك التي أثلجت صدري كثيرا
لأني أرى فيها حضورك في جميع أسطري
وتشرفك بقراءتها حرف حرف وهذا الشيء كم فخور به
بالنسبة لمداخلتك أضعها أمام نصب عيني
ولكن سيدي الفاضل يوجد في الشعر بعض القواعد تسمى
بالرمزية في إيصال فكرة معينة في إطار معين والتعبير بها
أرجوا أن تكون وضحت هذه النقطة لك ولكل من يلتمس عليه المعنى
وشكرا مرا أخرى على مداخلتك
دمت بكل ود
