مسلسل( العقل نعمه )
بطولة
محناب // مزوام //// طم طم
تاليف واخراج :
عامر الحمود قصدي ^ مـ ج ـنون ج ـازان ^
وفيه ضيوف شرف في كل حلقة تعرفونهم في الحلقاات القااادمة
نبدا المسلسل
.
.
*****
في ليله شديدة الحر زارني فيها الحبيب محناب
واخونا في الله كان باين عليه الارتباك وباين عليه انه ناوي ينصب
علي نصبه قويه شوي ما تخش العقل ابد
المهم الرجال بعد مالف ودار ونزل من جبهته 19 لتر عرق
وبعد ما مدحني ورفع فيني شوي طلب مني سلف ثلاثين الف ريال
حته وحده ....طبعا اانا بغت تجيني سكته قلبيه وقمت اتمغط شوي
وافكر في تصريفه للاهبل محناب لكن ابو الشباب ما اعطاني فرصه
ودخل بالموضوع على طول وقالي اكيد تبي تسأل وش ابي بالفلوس
هذي كلها ....قلتله وش رايك يعني بكتبلك شيك على طول بدون ما اسالك
وش تبي فيها خصوصا وان مخك لك عليه شوي ... قام يضحك ضحكة مجامله طبعا
وسوى نفسه فاطس من الضحك .... ويقول الله يرجك دمك زي العسل
وهو في نفسه يقول الله يخارجنا من هالقعيطي العله ثقيل الطينه
وبعد ما اخذ محناب نفس ورجع وعدل بجلسته ....قال اسمع يا ^ مـ ج ـنون^
انا وتوأم روحي مزوام قررنا نقوم برحله حول العالم في تسعين يوم
والهدف منها التعرف على شعوب العالم وحضاراتهم وعاداتهم و بعد مانرجع
نألف كتاب نثري به الادب العربي مثل
كتاب انيس منصور (( حول العالم في 200 يوم))
وكتاب الولد الشقي محمود السعدني ((حول العالم في 80 يوم ))
و راح يكون الكتاب تحفة التحف.... .
قلت والله محناب مافيه تحفه الا انت ومزوام هالحين
كلمتين ماتعرفون تركبونها مو..عاد كتاب مره وحده
لا وتثرون الادب العربي بعد لكن بما انك يا محناب
جيتني وتعبت نفسك ماودي انك تطلع وخاطرك مكسور ابعطيك ((200 ريال))
رح سكت فيها مزوام بربع تيس مندي وانسوا موضوع السفره
والكتاب ولا يمديني اكمل كلمتي ...!
الا محناب ينط علي وهات يا تبويس على جبهتي وخشمي وانا طالبك
تسلفني يرحم امك وابوك سلفني وانا اوعدك اول ما ارجع اجيبلك هديه
جوال وبعد ما رفسته برجلي ومحط بالجدار قلت له يالخبل
هالحين تبي مني ثلاثين الف ريال وعلى بالك بتغريني بجوال لكن
علشانك اول مره تجلس عندي ولمدة نص ساعه ولا كبيت شي على الزوليه
لا شاهي ولا قهوه انا قررت اعطيك الدراهم بس بشرط
ان قطتك انت ومزوام مثل بعض انتبه لا يلعب عليك زي كل مره
قال محناب وضروسه شوي وتنط من الفرحه لا ماعليك اخوك ذيب
وقال اتفقنا انا ومزوام كل واحد يدفع خمسين الف
وانا معي عشرين الف وانت بتعطيني ثلاثين الف وكذا كملة فلوسي
وباقي مزوام يدبر اللي عليه ونسافر على طول
قلت الله يسر لكم الأمور واخذت جريده وجلست اقراها وسحب محناب
الريموت وحط على قناة سبيس ستون وجلس يتفرج وبعد فتره بسيطه من الهدوء
دق جوال محناب ويوم شاف الرقم قال هذا مزوام قلتله حط على السبيكر ورد عليه
طبعا محناب ما يقدر يقول لا لأنه ما بعد اخذ الشيك وقام رد عليه والجوال
على السبيكر
مزوام: هلا بالذيب
محناب :وبعد ما عدل شخصيته ورجع ارتز على المركى من تأثير كلمة الذيب عليه
قال هلا والله مزوام يالله حيه
مزوام : هلا بك هلا وش اخبارك يا كحيلان
محناب : الحمدلله انت وش علومك
مزوام : احمد الرحمن هاه بشر وش سويت عسى العله^ مـ ج ـنون ^ اعطاك الدراهم
محناب : هاه لا ايه ايه اعطاني الدراهم خلاص دبرت 50000 الف
انت وش سويت بس
مزوام : ماعليك يا ذيبان انا دبرت اربعه الاف ريال
محناب: بس اربعه الاف
مزوام : ايه ياخي تكفي وين بنروح للمريخ
محناب : لا بس تعرف ان سفرتنا طويله وبنلف العالم كله
مزوام: ماعليك ياكحيلان اذا خلصت الدراهم نتصل على الخبل ^ مـ ج ـنون ^
يرسلنا
المهم انا ماقدرت اتحمل النصب عيني عينك وخطفت الجوال من يدا محناب
وقلت هلا بك مزوام معك ^ مـ ج ـنون ^
قال هلا بالذيب يالله حيه والله انك شقردي
قلت شقردي والا خبل وعله قال هههههههها تامرني شي انا ابوي يحتريني
بالموتر بتصل عليك بعدين وقفل الخط
والى اللقاء في الحلقه القادمه
مع تحيات المخرج
مـ ج ـنون ج ــازان ..
فلم:: الى اللقاء في الحلقه القادمه
