للشاعر// طاهر بن معبر علي العريبي
انا افتكر اول لقا فية التقيت
باول لقا قلبي تعلق به وهويت
وبدون تردد او خجل وياه حكيت
انا افــتكر اول لقـا فيــه التقــيت
وثاني لقا انساه نسيانه محا ل
قلبي خفق فيه الخفوق طول وطا ل
شعور عجيب إحساس غريب ماله مثا ل
وسئـــــــلت نفســـي كم سؤا ل
وللإجــــــــابـــــة ماهتــديت
وجاني الجواب قلبي اجاب بإختصا ر
هو الغرام اللي حصل لك واللي صا ر
حكم الهوى عليك صدر واصدر على قلبك قرار
قرار نهائي ومايهم ان اعترضت او رضيت
انا افــتكر اول لقـا فيــه التقــيت
اول لقا وثاني لقا كان امتداد لعشق السنين
عشت معاه قصة غرام قصة بها شوق وحنين
ضحيت له بكل شي وارخص له الغالي الثمين
وخليت له قلبي سكن سكن دايم وبيت
في غيبته كنت اعيش عيش الأسى
واحس اني كالغريب
واذا لقيته اهتني
وكل شي لي يطيب
فكري معاه وهو معي
بجانبي يجلس قريب
له صورةٍ من ناظري مافارقت
ولا لحظة لها نسيت
أناعشقته بكل صدق حبيته بكل الجنون
محدٍ سواه من البشر عليَ وعلى قلبي يمون
ولويهون كل الوجود محال محال في يوم يهون
وبدون مقابل له أنا روحي مع قلبي هديت
انا افــتكر اول لقـا فيــه التقــيت
عشت سنين أسعدسنين وأتعس سنين عشت معاه
يسعدني مره بالوصا ل ومرات يتعسني بجفاه
دقت المرارة من الصدود والشهدذقت في لقاه
وياماحزنت وهوبعيد ويامابقربه قدسليت
كنت أحسبه مثلى وفي
كنت أحسبه دايم رفيق
وإذاالزمان علي قسي
كنت أحسبه أوفى صديق
وكنت أحسبه طول الحياة
يمشي معي بنفس الطريق
امسح دموعه لوبكى
ويمسح دموعي لوبكيت
سنين وسنين وانا بدربه أسير
حافي القدم ما همني برد وهجير
ولاهمني ليل الظلام
وماهمني ذا الجرح الخطير
ماهمني جرح وألم
وماهمني مهمالقيت
انا افــتكر اول لقـا فيــه التقــيت
وياللأسف أثري أنا
قد كنت أجرى ورى السراب
أجرى بصحراء قاحلة
من كل صوب حولي يباب
أجرى وحيد أنا وحيد
ورى المآسي والعذاب
أنا السبب محدٍ سواي
أناعلى نفسي خطيت
أناالسبب أناالسبب
أي والله ماغيري السبب
طاوعت قلبي والهوى
وماجنيت غيرالتعب
ولولا قلبي والهوى
ماعشت في ضيق كرب
ولاعرفت معنى الهيام
ولابنيرانه اكتويت
انا افــتكر اول لقـا فيــه التقــيت
اول لقا ذكراه معــــي ماتنتسي طول الحيـــاة
مازلت فاكر يوم لــقيت من اتعب القلب وشقـــاه
واللي احرمه من فرحتــه قسي عليه زود وعنـــاه
اول لقا ياليت ما تـــــــم واعيد واقول ياليت ياليت
ما يستحق منــــي الوفا ماللوفا بقلبه مكــــان
ما يستحق ان اذكره او اذكر اسمه باللسان
مايستحق مايستحق تفكيري فيه ساعة زمان
انا افتكراول لقا فيه التقيت
اول لقا ياليت ماتم واعيد واقول ياليت ياليت
[/color][/center][/CENTER][/B][/SIZE][/FONT]
