اروع ماكتب في حبيبة عمر شاعرها

تعالي واسئلي قلبي وش اللي صـار بغيابـك
خناجر تطعن بصدري ولا ادري كيف اجنبهـا ..



دخيلك وش حصل مني عطيني هاتي أسبابك
بـلا ترتيـب قوليهـا وأنا والله لارتبـهـا..



شتمتك؟!! ليتني اقدر انا لا شفتـك الهـى بـك
اسبك كيـف وعيونـك تضيعنـي حواجبهـا ..



ظلمتك؟!! مستحيل إني ظلمتك والغـلا يهابـك
قسم من زود ما احبك اسولـف للهوى جبهـا..



نسيتك؟!! لا حشى وربي ابد ما غابـت اطيابـك
اشم فـغـترتي عطـرك ودمـعٍ كـان يسكبهـا ..



خذلتك؟!! تبطي سنينك يا شيخه اعشق ترابـك
احبك وش بقى أكثر تبينـي يعنـي اكتبهـا ..



كتبها قلب مغرم بك يعيش يموت يحيـا بـك
يشوفك ارض تسعى له ويمشي فـي مناكبهـا ..



أحب همسك احبك صمتك احبك حتى فعتابـك
وأحب كل الحروف اللي شفاتك دوم تطربهـا ..



متى تنهين هجرك لي وأشوف أيدين تتشابـك ؟
احـن لوقـت لحظاتـه تذوبنـي واذوبـهـا ..



متى تحسين في شاعر رهيف إحساس في بابك؟
وقف لين انكسر خاطـر مـن افكـارٍ يقلبهـا ..



متى تحسين في عابد سجد في قلب محرابـك؟
يقوم الليل يدعـي لـك ويدعـي رب قربهـا..



متى يا زينة الدنيـا يكـون الوصـل أطنابك
حـرام نهـد ماضينـا وعلاقتنـا نخربـهـا..



تبين الصدق لو جاني خبـر شديتـي ركابـك
وراك لآخر الدنيـا مـن المشـرق لمغربهـا ..



أنا حبيت من قبلك كثير وعقـب مـا جابـك
رسول الحب عاهدته اببقـى فـي مضاربهـا ..



أمانه لا تخلينـي غريـب بيـن أحبابك
ترى موتي أنا فغربه جحـودك هـو سبايبهـا ..



أمانه شتتي ظنوني تعـب هالوجـد يرتابـك
زرعتي الشك بعروقي اليـن الخـوف شيبهـا ..



تعالي حب قومانـي قريبـك دوم أولى بـك
ترى لا جيت في مجلس أبوك وقـال اشربهـا ..



أبطلب أيدك وقلبك قبـل فنجـال يزهـى بـك
وابسمع تـم من صوبك وصلت وجاك مطلبهـا ..



-----(حبيبة عمر شاعرها)------ إذا هالقـاف مـا صابـك
ترى كل البيوت اللـي تعنـت لـك أبشطبها ..



واببقى حافظ الذكرى واصون العهـد بغيابـك
واحرم اكتب اشعارٍ يكـون الصـدق أعذبها ..

يسلمو على النقل الجميل

لو ان كل المحبين ما يصيبون في كلامهم ما عاد أحد قال شعر و نظم ابيات

مشكوور جدا

مالك اسلوبك متميز اتمنى أن اقرأ لك الجديد الأقوى لك تمنياتي بالحب

مشكووووووووووووووووووووووووووووووور على النقل الرائع تقبل مروري