وش بلاكِ يا الغزال العارضيَّـه
عن مراتعكِ سليتي أو غديتـي
أتـردَّد بالمداهيـل العـذيَّـه
وأتشوف وأتوحَّـى مابديتـي
الهوى مشهاة للقلـب ونحيِّـه
واعساكِ عن هواكِ ما انتحيتي
ياعروس القلب من يومك صبيَّه
كل عمري فدوةٍ لك لو بغيتي
المحبَّه في عروق القلـب حيَّـه
ياكثر ما فزِّ قلبي لـى طريتـي
واهني مِن نام وعيونـه هنيَّـه
ماسهر ليله على ليتك وليتـي
يا أحب النَّاس بالدَّنيـا عليَّـه
أجمل الَّلي فيني بطوعي خذيتي
فيني من الحب مايكفي البريَّـه
لو خذوا نصفه حرامٍ مادريتـي
كلمات / خالد الفيصل
