دمعتي على نفسي
رحلت ومابقت فيني غير ذكرياتك صورتك رقة طبعك اسلوبك وحنانك
كل يوم كان يزيد شوقي في انتظارك واصبح عيدي يوم تهل عليا انوارك
كنت لي مثل الرمل يوم يحظن انهاري كنت لي اعمق بحر ادفن فيه اسراري
ابتعدت ماقدرت ابتعد وروحي رهن سؤالك تشتريها او تبيعها فهي لك تهنالك
ضحيت لك عانيت حتى بلغت انفاسك ولا تألمت صرت انا دمعك همك واحزانك
تغيب الشمس عني لاطال غيابك وفي مجيك تتباهي الشمس بااشراقك
جف حبري يوم جيت امضي في كتابك لقيت كلامي وذكرياتي سطرتها اقلامك
هدفي حياتي يوم اوصل اعلى مرامك يوم اشوف ضحكتك ترتسم على اجمل شفاتك
واحرص دوم اكون انا كل اهتمامك بجنبك اكون ولا افارقك حتى منامك
افديك بروحي وجسدي اصبح غطائك انا رمحك ودرعك انا اقوى سهامك
وجاء اليوم اللي طلبت فيه وصالك وصرت تكثر على من عتابك واعذارك
دمعتي على نفسي
يوم صارت في اعتقالك لا انك واصلتها او اطلقتها لوصالك
وصرت تبتعد اكثر لا غبت يوم عن بالك وانقطع ودك ولدري انا ايش اسبابك
والقمر اللي يضوي حبنا كم كان يعنا لك غيب هلاله ومعاه قد غابت ايامك
خليتني وحيده في دنيتي اصارع اقدارك وحلمي اليوم صار يعيش اللحظة لا احلامك
