قصيدة جميلة تعبر عن الحب الصادق

	القصه تحكي عن واحد اسمه خالد جاه مرض خبيث وقالو له ان بيموت فـكتب هالقصيده لصاحبه يوصيه فيه على محبوبته ويبيه ايخلي محبوبته تنساه القصيده: وصاتي لك من بعدي .......... تمـوت فيها عـلشاني ابيها تعيش و تحيا بك ........ واظل بالذاكـره مفقـود وصاتي لك تنسيها .......... ملامح وجهي و تنساني وتعزفها قصيدة حب ... .......على عكس اللي عزفته بعود وصاتي لك تبعدها ............ عن اشعاري وقيفـاني تراها مغرمة بالحيل ........... ويشهد لي عـدد الردود وصاتي لك تسايرها ........ تـرى فيها من احـزاني طلبتك لايضيق بالك .......... طلبتك والطـلب مردود وصاتي لك تناديها .......... حياتي..عمري..ازماني انا عودتها دايم .............. ادلـعها وانا موجود وصاتي لك تعاملها ........ بطيبه قلب و احساني تراها تذرف الدمعه .......... ودمعـتها بليٌا حـدود وصاتي لك تحفظها ........ سـور وآيات قـرآني وتخبرها عن الميت ........ رحل لايمكنه يعـود وصاتي لك ترسمها ........ على قبري وأكفاني ابيها لوحة تبقى ............ على طول الزمن محدود وصاتي لك تمازحها ...... وتشوف الضحكة بأسناني سعيتك ياضحك هالكون .... طـلبتك لاتصير جلمود وصاتي لك تقهويها ........... من دلالي و فنجالي تراها تعشق السمرا ........... ويكفيها دخون العود وصاتي لك تركبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفرها .......... بلاد الشام و لبناني ترى يحلالها تقطف ورده ...... وردة من بلد الورود وصاتي لك تراقصها ........ على الحان رحباني ترى فيها عرق خالة ........ وفيها من جنون السود وصاتي لك تحببها .......... فأبونورة بعد هاني وتنسيها ندم غلـطة ........ انا فيها ترى المقصود وصاتي لك تكرهها ........ في تاريخي و عنواني أبيها تلعن اللحظة .......... وتلعن كل فرح موعود وصاتي لك تكلمها ........ عن المجني وعن الجاني وتخليني انا الظالم ........ وانا من حرق الاخدود وصاتي لك تشبهني ........ بـدم أحـمر قـاني وانا هالقاتل السفاح ........ مجرم من عصر نمرود وصاتي لك تحلفها .......... تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........... ترى خالد....رحل مايعود ---- قصيدة قمة في الروعه الله يعين هالصديق على تنفيذ وصية صديقه ويعين هالمحبوبه اذا قرأت هالابيات هل بتقدر تنساه انا اقول انها راح تحبه اكثر ( لان الحب الصادق حين نعرفه لايمكن ان يغادرنا قبل ان نغادر هذه الحياه