تصدق..كل ما المح خيالك مر في بالي، أحسك تستفز احساسي فيني وترسم آمالي
تصدق ودي بس ودي أجنن فيك كل ما فيك..أجدد في عيون الكون معنى وجودك وطاريك
أبي الحق على ظلك..أضمه واسجنه لا يروح
واصير أقرب من انفاسك واصير الروح داخل روح
أبي كلي يتبعثر في ملامحك وتفاصيلك ..أبيك تلمني وانثرك في دنياي واشيلك
وارد انثر وجودي في وجودك عقد ما يلتم
أبي كلما تنادي ما تناديني واقول لك سم
ألبي لك على الهمسة لو انك ما تناديني..أبيك تصيح.. يا الله.. هالبنت اش تبي فيني
ابي اشعل لك اعصابك..ابي ازعج براكينك ..أبي أسكن أنا دروبك..أباستوطن عناوينك
أبي اتوسد خدودك وأبي جفنك يغطيني واذا تهجر لذيذ النوم أبي أسهرك في عيني
أبي لونك قمر كوني يجدد للقا ميعاد
أبي تعشق على لوني ليالي في هواك أعياد
أبيني حلمك الصاحي أبيني هاجس أفكارك
أبيك تفز من نومك إذا طيفي سهى وزارك
أبي من كثر ما أمرك على نبضي أجر خطاي
إذا ما مرت أقدامي تدور في الثرى ممشاي
أنا ودي يجف الصبر فيك ولوعتك تضما
تجيني ترتشف عطري وتنهل من شفاي الما
أبيك وما أبيك تضمني في محجر أعيانك
أجيك وما أجيك وخاطري استنزف اشجانك
تعبت من العناد اللي على شانك ذبح صبري
قويت وما قويتك مو حرام أموت من قهري
على كفي زرعت الياس وفي الحلم احتضن كفك
على كل الملا ابدي انحيازي واوقف بصفك
على بالي بيجي يوم انتصر لي منك واشمت فيك
واشوفك وانت تشكي والتفت لك روح مايمديك
واذا صديت وجهك لم فرقا العين انادي لك
حبيبي لا تروح بعيد كلي لك..كلي لك
حياتي كل ما فيني شكى صدك عن عيوني
شكا مني عشان اني ظنوني سبة جنوني
تحديت الزمن واثبت لك جبتك على كيفي
نحرتك في سبيل الموت فيني والغلا سيفي
أبيك تقول لي رايك بعد هالمرحلة قلي
تبي تمشي معي دربي والا امشي مع ظلي؟..
