حق يا ربي وأنا مالي اعتراض
أسكن بديرة وخلي في الرياض
وصلنا قطرة وفرقانا فياض
حظنا كلمة ونظرة دامعه
يا متى ربي بيجمعني معه
انتقلت بدون روحي للجنوب
واحتمل جسمي متاهات الدروب
هل عدا عن عشقنا نحمل ذنوب
هل قدرنا ضيق ما عنه سعه
يا متى ربي بيجمعني معه
يا ملا صوتي تلاشاه البعاد
سجني ضلوعي وحبسي بإنفراد
صوتي سكوتي وآهاتي بلاد
قيدي بإيدي ولا أقدر أقطعه
يا متى ربي بيجمعني معه
خوف مع رهبة مع ضعف وقهر
عمره وعمري تغذاه الصبر
مدري بعد اليوم باقي بي عمر
ولا كاس الموت وحدي بأجرعه
يا متى ربي بيجمعني معه
