قصة مضحكة ( منقولة )

السلام عليكم

هاذي سالفه حبيت اقولها لكم سارت لوحده من صديقاتي وبنقلها على لسانها (( لو تدري ذبحتن ))

تقول : كنت رابحه لبيت خوالي بالرياض وما كان فيه احد بالبيت من خوياتي البنات وقاعدة الحالي أصقع راسي بالجدار وخوالي يتابعون المباراه ومهب يمي ابد (( مع العلم أنهم صغار في السن ومو من عاداتهم يخلوني الحالي ابد ))

والحريم ما عندهم سالفه الا الحش والقرق .. شفت فلانه وش سوت وشفت فلانه وش لبست .....الخ

وبعد سويعات من الطفش وياتي الفرج .. ويجي اخوي من الرضاعه توة جاي من اخوياه ويشوفن ماده البوز شبرين والدمعه على خدي ويرحمن ((( غريبه بالعاده العيال ما همهم الى انفسهم والبنات اخر همهم – مع احترامي الشديد )))

ويقوم يتودد لي ويتبرك بي ويقاله راحمن وانا مسويه نفسي ثقل ما عطيته وجه ابد وقام يقولي تبين اجيب لك حلاو ( يحسبن نونو ) ... ايس كريم ... مخلل !!

مطبق .. مفطح .. تبين تروحين للسوق ؟؟

انا من يوم سمعت سوق واقوم والقط عباتي واقمز للباب وتقمز شياطيني (( بس المشكله ما عنده سيارة )) ويقوم وخيي ويدور تاكسي ومر اشوفه واقول لا والله ما اركب وقالي اخوي ليه ؟؟ واقوله انا ما ارتحت لوجهه كانه تبسي ولا رغيف خبز تميس !! واقوله انقلع ما ابيع عمري ...

ونرجع البيت نجر اذيال الخيبه والمراره ... وتخطر ببالي فكره ..وراه ما اقول لذولا المكومين عند التلفزيون تقل نمل متجمعه على كندر ...

ونقوم انا واخوي نتشحذهم ونتبرك بهم ونترجاهم الين جا الفرج ويقول خالي خلااااص ...خلااااص ..ما بقى الا تحبون (.......) بس خلاى المباراه تخلص

واقوم اتهجد واصلى واتروح وادعي ( يارب تفوز الارجنتين على ساحل العاج )

لاني داريه اذا ما فازت الارجنتين مافيه روحه لو احب الثريه ..والحمد لله استجاب الله دعائي وفازت.....المهم ركبنا ووصلنا للسوق ونقعد نفر ونفر مترنا السوق روحه ورجعه وادوخنا خالي معنا ... ومير اشوف اثنين حلوين يهبلون يطيرون الشوشه من جمالهم نظااااف ( المقصود هنا الثياب الناصعه البياض من الفيري والتايد ) وسبحان الله رحنا ركبنا المصعد وركبوا معنا وانا من يوم دخلت المصعد وتتولجني طقعه .... يا ناس بي طقعه واحاول اكتمها ما ابغاها تطلع قدام الناس واتعصر ما قدرت ( فشيله قدام هالمزيونين ... كشخه ورزه واخرتها طقعه !!)

وما قدرت اقاوم واقوم انادي خالي واقوله يا خال بي طقعه قام قالي : ياويلك ان طقعت تخيسين.... المكان الله يقلعه ما قال لا بعدين تتفشلين...

واحاول اطلعها بهدوء عشان تسير فسوه ... عجزت وتحدث الطامه الكبرى بررررررررررررررررررررررط واطقع ... عاد انا بغى يغمى علي من الفشيله وبديت اضحك هستيري ( فطحت عمري )وعجزت ارقعها وشوفوا الريحه كانها شاحنه حتى خالي بغى يموت ... والله بغيت اطب من المصعد ...وقاموا الشباب يناظرونن بطرف عين ونص ابتسامه ( راعوا مشاعري ما ضحكوا قدامي ) مير كانوا يبغون الدور الثالث نزلوا بالدور الثاني ... واول ما طلعوا تسدحوا من الضحك على الارض ... وانا لقيت تهزئ ملوث مثل طقعتي وازيدكم من الشعر بيت انفظحت عند اهلي وسرت علك بحلوق اللي يسوى واللي ما يسوى....


انتهت القصة عذرا على بعض الكلمات اللي ممكن تكون خدشت حياء القارئ
لكن والله حاولت اكسر الرتابة والملل وحبيت اضحكم معي
واكيد حصل المقصود قاحي