[][][] عـســى مازعـلـتك الـبارح [][][]
عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي
جرحتك من كثر شوقي وخليت الكلام رماح
ولادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هي أهدابي
غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي
تلفت للأمل دام الرجا في عمري الملواح
أناديلك ولو شرهة وصولك تقطع أعصابي
أبيك الجاي من عمري أنا مابيك شي وراح
مدامك أجمل وأخر مدامك أول أحبابي
أبي أرتاح ياعمري أنا أدري هم تبي ترتاح
تعال وقبل ما أفرح ترى تفرح بك ثيابي
أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي
( أ ع ج ب ن ي )
رد: [][][] عـســى مازعـلـتك الـبارح [][][]
كلمات فيها من الاعتذار مايجعل التسامح يدنو مهرولا..
تمنيت لو عرفنا اسم الشاعر
شكرا لك
على هذا المنقول
والذائقة
تحياتي
مشاركة: رد: [][][] عـســى مازعـلـتك الـبارح [][][]
اقتباس:
المشاركة الأصلية كتبت بواسطة الحلم
كلمات فيها من الاعتذار مايجعل التسامح يدنو مهرولا..
تمنيت لو عرفنا اسم الشاعر
شكرا لك
على هذا المنقول
والذائقة
تحياتي
أستاذي الحلم
أجريت بحث سريع لمعرفة من الشاعر لكن لم أوفق
لكن أعدك بأن أوسع نطاق البحث
وأجد من كتب هذا الشعر
شاكرة لك مرورك وردك الكريم
دمت متألق دائماً::sa05::
