السلام عليكم ورحمة الله وبركاته
لا حياة لمن تنادي
انا دائما اتسائل ليش الطلاب يواجهون الظلم في الجامعات السعودية ، وبصراحة ما عرفت ليش
والكلام هذا موو مني انا وبس بالعكس كل ما اشوف طالب افتح معه موضوع عن المشاكل اللي
يتعرضون لها الطلاب أتفاجا ان عنده مشكله والحين صرت اتفاجئ اني ألقى طالب ما عنده مشكله بالجامعة
انا قبل لا ادخل بالجامعة كنت اسمع عن الاوضاع في الجامعات السعودية وكنت ما اهتم بالكلام اللي
اسمعه او بالاصح لا أبالي
لكن فعلا تأكدت ان الظلم اشوفه عيني عينك واللي يحبط الطالب نفسيا ومعنويا ودراسيا
بصراحه كلام كثير لوو بقول اللي بقلبي لكن بتكلم عن أحدث ما سمعت وأحدث ما صار لي أنا بالتحديد
يمكن تكون سالفتي نكته لكم لكن صدق انا اول ما قالوا لي ابتسمت موو مستوعب الكلام لين بكيت
شوي موب كثير بس موب دموع لا بكيت قهر وندم والاكبر من هذا كله تحطمت
صارت لي مشكله والكلام هذا قبل 3 ايام انا متخرج أعتبر ووجيت ابي استلم الجدول الدراسي
وتفاجئت بمواد نازلة علي جديده ؟؟؟؟؟
يعني اوضح لكم
انا باقي لي 10 ساعات واتخرج وكنت فرحان خلاص بخلص من الدراسه واتخرج ويا زين كلمة
تخرج واحلام وامال وفتحت مشاريع وسكرت مشاريع وسوالف كثيرة وكل من سالني كم باقي لك
وكنت اتمنى أي واحد يسالني كم باقي لك عشان اقول له خلاص الترم هذا اخر ترم واتخرج من الفرحة
وحتى قلت لهلي انشالله المعدل يبي يطلع فوق بالسماء يعني بصراحه بدخل الترم هذا ونفسيتي توووووب
جيت وياليتيني ما جيت واخذت الجدول وياليتني ما اخذته وناظرت وياليتني ما ناظرت
نازلة علي 3 مواد جديدة ادرسها بمقدار 7 ساعات زيادة يعني الترم هذا راح ادرس 17 ساعة وانا مثل الـــ
رحت لأحد الدكاترة اللي يضبطون الجداول واللي ما شالله أي واحد ياخذ الجدول من عندهم يقول يا حليلهم
جداول تهبل ماشالله ويقوم يدعي لهم ليل نهار لا واذا كان الجدول موب عاجبه يخدمونه بعيونهم ما
يقصرون مرره هم والعميد حقهم ودايم على قلبة ما ينساهم لو يروح لكوكب
عطارد يذكرهم من الخدمات اللي خدموها الطلاب واللي صارت وسام على صدور الطلاب ....
سألت الدكتور : ( يا دكتور بسالك ؟ الدكتور تفضل !!! فيه مواد جديدة نازله بتخصصي واخذت الجدول ابيه يناظر
قال ايه هذا نظام نازل جديد وطبق على جميع الطلاب !!!!!!
( طبقوا وخلصوا بالصيفيه وحنا جالسين نبي عمارات ما درينا ان العماير راح تطيح علينا )
طيب يا دكتور حتى على المتخرجين؟؟ حتى على المتخرجين !!!!!!!
الله يعطيك العافية يا دكتور ما قصرت وطلعت ؟!!! هلا حياك الله <--- حياني الله وعينك بالورقه زين تواضعت ولمحتني لمحة
ماشالله تبارك الله جالس يوقع ايه تخبرون مشغول في خدمة الطلاب ماشالله عليه
طيب الانظمة اللي تظلم الطلاب بدون حق والطالب ما عليه الا السمع والطاعة ليش ما يكون لها شكوى
يشوفون فيها احوال الطلاب ومشاكلهم انا بصراحه استغرب من تصرفات الدكاترة
كلمة ( د. ) وش تعني لهم ؟؟؟؟
الــ د. تعطي للشخص نظرية من الناس انه انسان فاهم وانسان واعي وصاحب بحر من العلم وهذا
نعرفه كلنا ، طيب مثل هالمشكله ما يقدرون يسوون لها دراسة ويحاولون يلقون لها حل يمكن ما
يدرون انها مشكله وانا هذا اللي اتوقعه لان ما احد منهم حط نفسه مكان طالب فيوم من الايام
انا ما اقول لهم لا ينزلونها لا لهم حق ينزلون أي شي هم يبونه لكن اللي انا ابيه انهم ينزلونه على
المستجدين حتى طلاب الترم الثاني والثالث ما يطبقونه عليهم لاننا على خطة دراسية نمشي عليها
ليش تجي في اخر الترم و الطالب يبي يتخرج تقدمون له باقة من المواد يدرسها قبل لا يتخرج
وش ذنبة والا تشوفونه طبلون كهرب ما يطفي ابد انا بصراحه رحت وحاولت ادخل على العميد بس باجتماع
طال عمره وصرت كل يوم اروح ابي اشوف وش السالفه لكن انا عارف اني ما راح القى نتيجة
سبحان الله ... لا حياة لمن تنادي
بعد السالفه هذي رحت لشباب من اخوياي الخاصين وينقالي الفتى الحزين بينهم ( وش فيك يا فلان
والله السالفه ...... بالتفصيل الممل
ردوا علي واحد منهم يا حليلك انت ما بعد تخرجت تهون هذي انا بقول لك سالفه لولد عمي فلان تعرفه !!! ايه
قال الرجال هذا تخرج وخلص ما باقي له شي جاا يوم تسليم الوثائق قالوا له ما بعد صدرت لك الوثيقه
قال لهم ليش قال ناظر انت باقي لك مادة ادرسها ترم كامل بعد ما تخلص تعال نسلمك وثيقه قال وشلون
ما فهمت ( الرجال ما استوعب الكلام ) قالوا له فيه نظام جديد نازل وفيه مادة نازله بالتخصص اللي
انت فيه الحين وما نقدر نسلمك الوثيقه لين تخلص وتدرس المادة فهمت الحين !!!
وجلس الرجال مو مصدق وشلون طيب انا متخرج !! رد عليه ,طيب هذا نظام جديد !! طيب انا وش ذنبي
والله هذا نظام حتى انا مالي دخل فيه ؟؟!!!! راح وجا وطلع ونزل وكلم بدووون فائدة
ههههههههههههههههههههههههههههههههههههههههههههه
وصدق من قال من شاف مصيبة غيره هانت عليه مصيبته
وتكلمنا كلام كثير عن المشاكل بعدين زهقنا وغيرنا السوالف وصار الوضع طبيعي كلامنا اللي دائم ومزحنا مع بعض رجع
شباب وربي مووب نكتة ترى والله حقيقه وانا ما صدقت وكلمت الرجال وحلف لي ان السالفه صدق
بصراحه يا شباب انا لو بتكلم من اليوم الى بكرى وربي ما راح اخلص لكن اللي انا ابيه يصير
وهذا من حقي ومن حق الطلاب ، انو يكون فيه لجنة بكل جامعة عن شكاوي الطلاب <-- شكاوي وبس لاني عارف
ان الطلاب ما راح يفيدونهم باقتراحات يضيفونها لهم ما يصدقون على الله يطلعون من المحاضرات
ادري كلامي ما راح يجيب نتيجة بس ماهي الا فضفضة عن ما بخاطري
ملاحظه *
انا ما تكلمت الا عن المواد المضافة للطلاب المتخرجين مثلي ما تكلمت عن المشاكل الباقية لأن ماخفي أعظم
(( عساكم ما تذوقون اللي انا ذقته لانه مرررررر على تسبد الواحد ))
