أنا يابحر ماجيتك فضى ولشوفتـك شفقان

أنا يابحر ماجيتك فضى ولشوفتـك شفقان
أناجيتك أبنـــــسى الياس وبعض الهم يباريني


على جالك انا جالس اسامر موجك الغضبان
أسولف له عن اوجاعي وعناي وغربه سنيني


علامك يابحر غاضب علامك تصرخ بكتمان
أناجيـــــــتك ابشكيلك وابي منك تواسيني


أنا مثلك بحر لكن وسط نفسي انا غرقان
تعبــــت ابحر مع نفـــــــــسي واسالها انا ويني


أنا محتار في وصفي ومع نفسي انا حيران
أنا لاقادر افهمـــــــها وهي تجهل مضاميني


أنا مليت من حزني وتعبت ابحث عن السلوان
ولاضــــنيت به شي عن احزاني يسيليني


أحس ان الحزن عالم بحورة وصحوة ووديان
تخيل يابحر حجمه اذا حجمه سكن فيني


تصور لوشقا الدنيا تجمع في كيان انــــسان
تصدق مابقى بالكون اسى مابات في عيني


ترى كل الحزن لو غاب وراح لاخر الاوطان
يغيب ويرتحل لحظات ويرجع يستقر فيني


أنا اخر فصول الحزن وأنا لدروبه العنوان
وأنا اخــــــر عزوفــــــاته واصـــواته تغنيني


أنا والليل والغربه تعانقـــــــــــنا مثل لخوان
ليلي كل آهــــــــــاتي وللـــــــغربه عناويني


تعبت اسقى ثرى احلامي وأزرع بالوهم بستان
تعبت ولانبت زرعي وتعبت وجفت بساتيني


جحدني حظي العاثر رماني بسكه الحرمان
جحـــــدني ولامـــــرة على الفرحه يرســــيني


ألايابحر جاوبني وش اخر هذي الاحزان
وش اخر رحـــله أوجاعي وعناي وغربه سنيني

مع تحياتي

ملك الاحلام

قصيدة جميلة جدا أخي ملك الأحلام..

ياليت تبحث لنا عن اسم الشاعر..

وإذا ما كان له قصائد بنفس المستوى الفني ..

شكرا لإمتاعنا..

لك التحية

يسلموووووووو
"
"
"
الحـــــــلــــــم
"
"
"
على مرورك الرائع
"
"
"
الله يعطيك الف عافيه