اااااه منك ...
آه ياويلـي مـن تصاويبـك=في عيونـي بانـت أسبابـك
لِى سهيت أتم أهـاذي بـك=ولاغِفت عيني عينٍ تِسادى بك
لِى سِمعت النَّاس تهذي بـك=أحيت عروقي مِـن أطيابـك
في نِظـر عينـي أداري بـك=فوق نجم سهيـل مسحابـك
والقمر و الَّليل يوحـي بـك=والنَّسيم الجذي غنَّـى بـك
والبدر لِى لاح يسـدي بـك=والوصف يدني من أصوابـك
و إنته الَّلي شاحنـي طيبـك=في فؤادي فتحـت أبوابـك
طايحـه روحـي لمطاليبـك=مغـرمٍ هـاوي وطـلاَّبـك
هايم وأبحـث وأنـادي بـك=وأندب بحسرات واعزى بـك
مايشافـي غيـر تطبيـبـك=يابعد عمري مِـن أعشابـك
غِبت وإنقطعـت مواريبـك=وإنته الَّلـي همَّنـي غيابـك
أعرف إنـه سالـي قليبـك=ولا تِسطر بعد فـي حسابـك
ليت ما اعرفك ولا أدري بك=ولا نظرت لبسمـة عذابـك
ولا مشيـت بخطـا دريبـك=ولا ريولـي قربـت ترابـك
من متى ومن كم عـدَّي بـك=ما استطيع عزمٍ على غيابـك
لكـن أنـا بالله طلَّيـبـك=والَّلـذي خـلاك لأحبابـك
كلمات / الشيخ زايد
