هل ظلمت اللجنة خالد العتيبي.......

تابعنا الشاعر الكبير خالد العتيبي في ثاني حلقات شاعر المليون بتلك القصيدة
التي صفق لها الحضور باستمرار وصفقنا لها ونحن نشاهد.
تلك القصيدة التي جعلتني أقف خلف الشاشة احتراماً لهذا الشاعر الفذ والجميل .

كنا نتوقع أن يكون خالد العتيبي أول المرشحين من قبل اللجنة لكنها جاملت الشاعر الإماراتي
هزاع عبدالله الشريف خاصةً بعد أن تأهل 3 شعراء سعوديون في الحلقة الأولى.

هذه القصيدة ولكم الحكم..



قصيده الشاعر/ خالد محمد العتيبي

في مدح الرسول صلى الله عليه وسلم

دعت سمرالجدايل وانتخت بالقذلـة الهلـة
تبي مني عروس للقصيد ازريت لاغويهـا

ويوم اني لقيت لها الخلود وجيت ابوصل له
تنحرك الكـلام اللـي فهقهـا دون مغليهـا

خضع لك راس مسبوق القصايد وانحنى كله
وانا بك شاعرالدنيـا ومشغلهـا وماليهـا

يذكرني رحيلك مجلـس بـاق علـى حلـه
مداهيل الرجال اللـي تنومسنـا مواطيهـا

هنا سليت سيف يوفي الثارين مـن سلـه
هنا علقت رمح يطعـن الجـوزا ويطفيهـا

هنا بينـت مصحفـك الكريـم ودلنـا دلـه
معك نبدا مواعيـد الكـلام وننتهـي فيهـا

هنا ساقيت غصن من غلا كنا تحـت ظلـه
نسولف بالغنا يـا بايـع الدنيـا وشاريهـا

هنا كان الرجال جبال ما تقبل خنـا الزلـة
عمايمها سحـاب وابلـه باقـي مواضيها

رجال لو تشوف الماء غدر ما شربتـه لله
نبت عشب الرضا يا سيدي بأول مغازيهـا

هل التوحيد وكنوز العلوم ونصـرة الملـة
رجـال يضحـك التاريـخ لولهـا وتاليهـا

هنا ماضيك ورياض الخليل اللي رعى خلـه
شربنا عذبها مـدري لعبنـا فـي مغانيهـا

هنا تخنقني العبرة وانا اكتب يا رسـول الله
على قبرك نسيت الناس حاقدهـا وحانيهـا

وابو قبر يتيه من الفخـر بالبيـد وتجلـه
على حسد تبين مـن سمايمهـا وصاليهـا

ويهناك الوفا قبر يضمـك فـي ثـرا تلـه
ما دامه بين فردوس الجنان وبين منشيهـا

وانا لامن ذكرت فراقك اللي في يدي غلـه
نسيت ان الليالي شيبتنـي مـن بلاويهـا

على بعد الزمان اللي يعقد الحبـل ويحلـه
ليامني ذكرتك طاحـت الدمعـة وراعيهـا

سلام الله ما هز الصبـا نسرينـه و فلـه
على الطفل اليتيم اللي عطى الدنيا معانيهـا

أنا عن نفسي أعطيت صوتي لهذا الشاعر

http://www.albdoo.info/uploaded2008/...1199379432.jpg

عزيزي القنفذ الناعم

هناك الكثير من الشعراء ببرنامج شاعر المليون لم يكن للجنة التحكيم راي صائب بتقدير قصائدهم وبعتقادي ان المجاملة تلعب دورها في اغلب الاوقات خصوصاً اذا ذكرت بعض الاسماء داخل القصيدة .


تحياتي ،،،،،،

اقتباس:

---

المشاركة الأصلية كتبت بواسطة هاجس

عزيزي القنفذ الناعم

هناك الكثير من الشعراء ببرنامج شاعر المليون لم يكن للجنة التحكيم راي صائب بتقدير قصائدهم وبعتقادي ان المجاملة تلعب دورها في اغلب الاوقات خصوصاً اذا ذكرت بعض الاسماء داخل القصيدة .


تحياتي ،،،،،،

---

نعم أخي هاجس هذا مالاحظته فاللجنة يمارس عليها ضغوط من الكثير .
وهناك شعراء كانوا في التصفيات أفضل من بعض المختارين الــ48.