...
ضوء / نص !!
وأنا ...!!!
،
http://www.6-ef.com/up/uploads/99966d3233.jpg
حالات مرّيتها والحين ماضي وفات
ومافات مات وبعد هالحين ماعاد ويل ...
مع طفلة القلب من ربّي هديّه وجات
تطير بي كلّما اجيها وهمّي ثقيل
تدري بضيقي لاجيت وقبل لاتقول:-"هات"..
تقول:-"توني على طاريك .. عمرك طويل" !
ياراس مال ابراهيم وتاج راس البنات
على كثرما يجيك الحب منّي .. قليل !
جوريّة شفاهك اللي فوق غصن السكات
كل حرف قطرة ندى على ثغرك .. ويسيل
،
http://www.6-ef.com/up/uploads/db506c36d4.jpg
عُـمُـر .. وآنا احسب اني بحبك
..........قوي .. وانت إتظاهر بالقساوه
إلين الله قسم لك هالتمادي
..........عشان أصحى وأشقق هالغشاوه
ياظالم .. كنت تجرحني وانا اسكت
.........واقول إسكت وخذ جرحك وداوه .. !
لا قلت إنـْك بتروح آقول طيب
..........وانا وأطيب صبر فيني عداوه
ياعنك آنا اشهد اني كنت وافي
...........كثر ما أقفيت .. وبجفني نداوه
أحبك .. كنت كلي لك وأحبك
............مع إنك كنت تعشقني ( فضاوه ) !
عطاي أعطيه لك ما انشدك عنه
..............وأسمي سيل طعناتك شقاوه
حبيبي كنت .. بس اليوم مدري
.............منين آجيب لك إسم .. وسماوه !
،
http://www.6-ef.com/up/uploads/9f00c60a36.jpg
آه ياغيمٍ تعبـت أزهمـه تلويـح .. ولهـاث
وماشعرت بعظم فعلي .. يوم الأعظم ماخفي!
من كثر ماحاس حظي في مقاديـري وعـاث
من يصدق..صرت ألوذ برحمةٍ من هاتفي !!
لن مابه شيٍ أهرب به مـن الخلـق الغثـاث
ومن ظنونٍ بهذلتني .. غير قلـب موالفـي!
ولاذبحني في حياتي غيـر حاجـاتٍ ثـلاث
الزمن .. وطعون ربعي .. والفراغ العاطفي
وأنت ياللي من قدم حبّي لك أصبح بالتـراث
هو متى بتحـس ؟ قلـي .. يابعـد طوايفـي
ودّي أتهنّـا وأطولـك قبـل يـوم الإنبعـاث
لى متى حبّي يسوق من الهبـال مجازفـي؟!
الحشـا بيتـك وملكـك والمعاليـق الأثـاث
وأنت رتبها بكيفـك .. والتـُّـحـف عواطفـي
مير عبّرني .. تعبت أزهمك تلويح..ولهـاث
ولايغرّك عظم (قولي) يوم الأعظم (ماخفي)!!
،
http://www.6-ef.com/up/uploads/0a55ce4dd9.jpg
عقب مازادّ في البال الجفاف وشبّـت أغصانـه...
لقيت إنّي على الهامش وقفت لوحدي أناظـر...!!
تلفّـت ولقيـت الخلـق كـلٍ مـاخـذٍ دانــه...
وأنا باقي....على هالحال..لارابح...ولاخاسـر !!
أقــــول : أعــشـــق؟؟
.
.
.
.
.
وعـقـلـي مايرجـحـهـا بـمـيـزانـه...!!!
وأقــــــــول : أبــــقـــــى؟؟
.
.
.
.
.
.
ويتنهّد خفوق...وينكسر خاطر...!!
،
http://www.6-ef.com/up/uploads/a69d84bded.jpg
من كثر ماأتركّ وأجيك معميني الغرام
صار يغنيني عن وجودك بجنبي جفاك
أذكرك .. وأغذّي الحب حتى بالملام
لين مايبقى بهالكون شيٍ مابكاك !!
معك أنا مقرود من جد وأوضاعي عدااام
بس أنا أحبك ومن جد ماأتنفس بلاك
لو يقال : شفيه خلاك محبوبك ونام؟
أهون من إنه يقال : إنتهت قصة غلاك !!
يعني إني راضي البعد ودروب الظلام
ودامي أرضى ياخي إفهم ولاترضى .. كفاك!!
ليت لي من قوّ قلبك برودك في السلام
وليت لك من طيبتي رقّة ألفاظي معاك
حتّى في قمّة جحيمي ـ ودقق في الكلام ـ
قلت لك من قوّ قلبك وأنا قصدي قساك !!
،
http://www.6-ef.com/up/uploads/8182399864.jpg
تظن ان منزلك عندي صغير ومـا أفقـدك لاغبـت؟
............عسـى الله لايبيـن لـك غـلاك وقـدرك الخافـي
انا لوجيت ابوصـف لـك مكانـك عنـدي وحاولـت
............بأقدملـك سكوتي...مـا أحـس ان الحكـي كافـي !
هماك انت الوحيـد اللـي يحـس وينتبـه لاضقـت؟
................وأنـا يكفينـي إنــي لابكيت تثـبّـت أكتـافـي
وش أغلى من رفيق من تشوفه يسألـك ويـن انـت ؟
............واذا شافك سكتّ يفز يفزع فزعة سنـافـي
كثرما فزت عروقـي مـن حروفي وقلـت إشتقـت
..............أقدّمـلـه تحيّـاتـي عـلـى ترتيـبـي وقـافـي
ترى العالـم لياضاقـت تعـزوى ميـر أنـا لاتهـت
.........ولا أفكّـر مدامـك عزوتـي لاشـلّـت أطـرافـي
حشا لاتحسب انّـي بتركـك ياخـوي لـو إحتجـت
........على ضعفي بأشيلـك وأمشـي بنـارك وأنـا حافـي
ومدام إن (الحكي) فضّه , ومدام إن الذهب من صمت
............بأقدّملـك بعـد فضّـة كلامـي هـالذهـب صافـي
،
http://www.6-ef.com/up/uploads/fdbd98c469.jpg
يانـايـم اللـيـل لـيـتـك ماتفـارقـنـي
ترقد وأنا ذيـب صـدري يشـره ب عويـه
الله يهنـيـك فــي نـومـك ويـرزقـنـي
ويطويني بما طواك ويرهـي الطويـه
أشــوف صبـحـي يقابلـنـي يعانقـنـي
يضحك وهو لضياعي نـاويٍ نويـه
وألمحـك فـأوّل خيالـي وأحلـف بدقنـي
إن كل الأشياء في غيبتـك مستويـه !!
وإن لـوّح اللـيـل وأقـبـل يامفارقـنـي
أجيه كني كسيرٍ طـاح مـن هويـه !!
،
http://www.6-ef.com/up/uploads/557a321e2a.jpg
يفداك قلـبٍ كتبك..وقـال : "شققنـي" !!
وليـا ذكـرك بغيابك..نبضتـه دويـه !!
إجمعنـي (إلعـب علـي) وثــم فرّقـنـي
كم له ظلامٍ سكنّـي يحتـري ضويـه
ضـويـة خيال..ومطربالصيف..صـدّقـنـي
أهون من الياس –لاهقوه ولاغويه- !!
ياس..ويبـاس..وإشـاعـاتٍ تلاحـقـنـي
غير الحسد..عاد تدري ويش محتويه
أب أهلـك الله يطـوّل عمـرك إلحقـنـي
أموووووووت فيك ودروب الحظ ملتويه
لبّـا لهـب جمرتيـنـك لــو يحرّقـنـي
-اللي من الشهد قبـل النـار مرتويـه-
لــبّــا لهبها..وحيّه..(لاتـسـلّـقـنـي)!!
(قبل يتعانق مع إذني..)!!! لبّها كويه!!!
أنـا أشهـد إنهـا تـداوي يـا مفارقنـي
وإني ليا أونست أثرها..سقـت لـك عويـه !!
.
،
http://www.6-ef.com/up/uploads/f370919030.jpg
والله ان الحزن نبت(ن) لـه ثمـان ايـام وارق..
في عيونك كنت اشوفه وأتوجـس مـن ربيعـه..
لين جات اللحظه اللي خلت فـي نظرتـك بـارق..
وأنت لك قلب(ن)رهيف ولوعة الفرقـا مريعـه..
منت بأول مـن (عثا)فيـه التوجـد والمفـارق..
والزمـن لومايطيعـك مالـك الا انـك تطيعـه !!
وان غرقت فـبحر همـك مايفيـدن الـزوارق..
والحـزن مـاهـوب شي(ن)لاتثاقلته..تبيـعـه..
آه والعبرات ضي(ن) -ماضوت فيه المشـارق-!!
اعتزت فيها عيـون ضاقـت بهـا هالوسيعـه..
،
http://www.6-ef.com/up/uploads/fc1df17783.jpg
الدفاتر قبل يثقـل حملهـا - كانـت بـلاك-
والنواظر - قبل يذبل حلمها - قامـت تشيـب
لاتحسب إنّي بدونـك ضعت..هذانـي معـاك
ضاع عمري..لين ضيّعتك وضيّعـت النصيـب
النصيب اللي (ورا هالشمـس) ودّاك وخـذاك
(أشرقت) مير انت جايزلك مكانك فـالمغيب !!
يرحم الله يوم كنت اجيـك كـل ليلـه هنـاك
فآخر الدنيا ألفّ الأرض (وأشوفك قريـب)..
لايغـرّك مدحـي لماضيـك يانـور أخويـاك
والله إنّك في عيوني ليـن مـا أودّع (حبيـب)
ما أتشّره..وأنت مثلي لاتشرّه..شـف سمـاك
ناظر الغيم وشتاته وإلعـن الوقـت العصيـب
نعنبوك انـا أشتريـك بكـل رجّـالٍ شـراك
حسّ فيني يرحم امّـك والله إن الدمـع عيـب
الله يخلّـيـك لعيوني..ولايـرحـم بـطــاك
والله يفرّحك طلّعنـي مـن الحـزن الرهيـب
ياعسـى عمـرك طـويـل..
الله لايـسـفـه (غـــلاك)
ياعساي اهلك قبل لا أزعلك ...
تـكـفــى لاتـغــيــب
مدّ لي شوفتك ((ياقلبيييييييييه ياهمسة شفاك))
اشهد ان لـك شفتيـنٍ تشفـي بليّـا طبيـب
في جفاك الله يصبّـر عاشـقٍ سمّـه جفـاك
والله يوسعك ياصدري على الهم الرحيـب !!
.
،
http://www.6-ef.com/up/uploads/45888f838f.jpg
أببتدي لك من أوّل...لأ...من الآخر:-
أنا بصراحه غرامك لاعنٍ خيري !
أبيك:-
موجود , غايب , حاضر , مسافر ....
و ان جيت , ولا ياطول سرا تفاكيري !
......................................
......................................
ماقلته أعلاه فات.. وعقبها خابر
إن الندم صك بابه عن معاذيري !!
ياللندم لا استبد فمهجة الشاعر
ماطقت بيتي وسجيت فـ مشاويري
والحزن كلما يمر بديرة الخاطر
أضيــق..وش عاد لاضيّفته بديري ؟!
والغالي اللي غلاه وحظي العاثر
فيني تلاقو (ولابه خاسرٍ غيري)
تركني بنص دربي والظما كافر
وذوقني الدمع - كانه ذاق تقصيري- !
لوشاف وش كثر أحبّه قال:ياسااااااتر
وش عاد لو قلت- مما شاف-: ياطيري !
أول يبيني بعيوبي بس فالآخر
جنيت شري...ولاأدري من جنا خيري؟؟!!
،
http://www.6-ef.com/up/uploads/777ae66f1f.jpg
ألا حيالله اللي جابه الطاري .. وجا عقبه ..
......................تقول إنه يعرف إني أسولف به وجا يسمع !
وأنا من فرحتي شكلي طلع كني متوهق به !
......................محمّر وجهي .. وعيني تنازعني تبي تدمع
يقول:"إسلم" .. وأنا ماغير متبسّم وأبحلق به !
.....................إلين إن قال لي :" وش فيك؟ كمّل.." ,قلت:"لاتطمع"!
ش أكمّل وأنت قدامي؟ كلامي خذه وإعلق به
....................الين يرمّد آخر حرفـــ ..... قاطعني وقال :"إسمع .... "
لو المكسيك فيها حي راقي إسمه الثقبه
.....................فأنا ماعاد أشوفك في ظلامي كوكبٍ يلمع !
كلامك يا ابراهيم الرشود الشخص يغرق به
...................وأنا الإعجاب بيديني وسيله توصل لـ مطمع !!
سِكتّ وقلت :"عزالله قضى حكيي وأنا عقبه
..................قضيت إلا من عيونٍ ليا ضمّيتك بـ تدمع " !!
،
http://www.6-ef.com/up/uploads/9f24d586ea.jpg
كذا يعني !
تغيب وماتودعني !
وانا خلّك .. وتعرفني ..
أموت أهون علي .. ولا ..
أسولف لك .. وثم فجأه ..
ما ألقاك تسمعني !!
كذا يعني !
دخيلك لاتخليني فـ ذمّة هالظنون أكثر ..
وانا خوفي عليك أكثر ..
وأخاف الظن يفجعني !
دخيلك لا ..
دخيلك لا .. !
أنا من هالغياب أولى !
حرام أذبل عشانك وأنت ماتقصد تضيعني !
صدقني حرام أذبل ..
صدقني ..
انا ابي بس تسمعني ..
تصوّر !!
"بس تسمعني" !
كذا يعني !
,
http://www.6-ef.com/up/uploads/0f22c50c20.jpg
أنا مشتاقلك كثر الشماته في وجيه أعداي
........................كثرما غبت وتساوى فــ عيني ليلها والنور
حبيبي تختلف معك الحروف ويرتجف معناي..
..........................أمانه لاتحاسبني على ذنبٍ بدون شعور!!
حبيبي ليت تدري كيف شلت قليبي بيمناي
...................ولو أقدر : (خفوقي مايرده عن وصالك سور)..
تعبت اطرد سرابك واحسب انه في طريقي ماي
.....................الين الوقت غيّب خنجره في قلبي المغدور..
تهدّمت...ونشف دمّي..وأنا ماغير ألمّ أعضاي !!
..........................أقضّي العمر وعروقي ظمايا...والحنايا بور !!
على غصن الأمل ماتت طيورٍ روحها (رجواي)
..................عقب جف الغصن وأضحى حزيـــن (ومايشيل طيور) !!
:
:
صدفتك وأسبل الجرح القصيد...ومابقا بشفاي
........................سوى بسمه حزينه..ماقوت تكشف لك المستور !
،
http://www.6-ef.com/up/uploads/834758005b.jpg
كنت أعلمها تصون الحب وإن قصّر تعينه
وكانت تعلّم عيوني كيف تتحمل سهرها
وشخص مثلي عيب يحكي ! , وإن سكتّ ورحت شينه !
مقدر أنسى بهالسهوله وحدةٍ كنت أعتبرها :-
روح قلبٍ من عرفها مذكره حس بضغينه
أوّل آلامه ظماه , وآآآآآآآآخر آماله مطرها
عاد أنا ماهمني هم الجفا ولاّ سنينه
شلت هم عيون شمّاته تبي تفهق ثغرها
أذكر انّي كنت أعوّد روحي تغني حزينه
وأذكر إنها كل ماأحزن شاحت ونادت صبرها
القضيه وببساطه كنت أحسب إنها أمينه
قلت :- (ذي روحي أمانه) , صدّت وجابت خبرها !
ويوم جيت أشره علامك وين الأحلام الثمينه؟
قالت إنّا مانليق لبعضنا..وأبغى أختصرها
وإنتهيت وعمري جيوش الأماني مبتدينه
ولبست ثوب العروس وراحت (تكمل عمرها) !
والثواني ماتوقف لابقيت بلا ظنينه ..
لكن أنفاسي توقّف لابقيت بلا عطرها .. !
،
http://www.6-ef.com/up/uploads/5be65076af.jpg
أنا بصبّ لك صوتي بكاسات الآغاني خمر
......................مدامك تسكرين ليا سمعتي صوتي ومغناي !
ولا منّك سكرتي .. والسوالف كنّهنّ الجمر
..............قربت أدفا معك من جمرهنّ وقلت لك :- (شـ الراي؟)
وقلتي لي :- (بـ ويش؟) وقلت لك :- (في هالخدود الحمر) !
.....................هماك من أول تقولين كلك في يدي .. وفداي ؟؟
وأشوفك .. وأتحيّر كيف تقدر هالنحال الضمر
..................تشيل بـ هالنعيم .. وكنّها غيمٍ يحمـْل الماي !
أحبك .. لعنبوا حي الليالي والظروف السمر
...............من يميني خذتك –تحسّب اللي تعشقك يمناي- !
وانا أحبك .. ويبغالي عشان (يقل)ّ حبك :-
عمر .. !
ويصير بدال ماهو :-
"كبر أمانيي" ..
"كبر دنياي" !
* ضوء../ هيفاء المطوع
* نص ../ ابراهيم الرشود
شَتَاتْ أنثى !
.
