صوره نادره للمك فهد وقصيدة له رحمه الله

مرحبا بكم جميعا ً

اليوم كنت قاعد أتصفح أحد المواقع العربية ووجده هذه الصووورة النادرة للملك فهد رحمة الله عليه
وتحت الصوره توجد القصيده النادرة للفقيد الله يغفرله .


هذي صورة نادرة للملك فيصل رحمه الله
(يمين) والملك فهد ( الوسط ) والملك عبدالله (يسار )في موسم الحج عام1965م



http://lzzzl.com/files/4726.gif


قصيدة خادم الحرمين الشريفين الملك \ فهد بن عبدالعزيز رحمه الله عندما كان مريضا في لندن في شهر شوال من عام 1385هجري حيث بعثها الى المرحوم الامير فهد بن سعد يشكو فيها قساوة المرض


يابو سعد صارت على اخوك غارات...شهرين اقاسي مـن شديـد الغرابيـل سو المرض يحمل على اخوك حملات....مافي يدي حيله ولا في يـدي حيـل والله فزع من فوق سبـع السمـاوات....وانا احمد الله يوم صـارت تساهيـل ماينفع الخايـف والايـام عجـلات....الخوف ماينفـع ولا القـول والقيـل حنا هل العوجـا ولا بـه مـروات....شرب المصايب مثل شرب الفناجيـل لاشك انا مشغول في كـل الاوقـات...على الـذي حنـا بظلـه رجاجيـل ماني على نفسـي كثيـر الحسافـات....لاسلم راسه روسنـا رفـاع بالحيـل حامـي حمانـا بالليالـي المخيفـات....لو صـار بالعالـم كثيـر الزلايـل فخر العروبـه بالعـدل والمسـاواه....هذاك هو فيصـل ولا فيـه تشكيـل يشهد له اللـي شاهـدوا منـه ليـات....ويشهد له التاريخ جيـل بعـد جيـل

فاجابه الامير \ فهد بن سعد رحمه الله بهذه القصيده :

يامرحبـا بكتـاب زبـن المـخـلات....اهـلا هلابـه عـد وبـل الهماليـل حمـدت مـن زال الكـدر بالمسـرات.....فكاك مـن صكـت عليـه المحابيـل فـزع لـك اللـي عالـم بالخفـيـات....مبري جروح ايوب غيـث المراميـل لعل مايزعج علـى فقـدك اصـوات....ولعلهـا لـك يابـو فيصـل تماهيـل الله يجيرك مـن صواديـف الافـات....عسـاك تسلـم ياعشيـر المشاكـيـل ماانت برخيـص ياربيـع القرابـات......لو هي بالايدي كان دونـك حلاحيـل ترا لنا بـك يافتـى الجـود هقـوات....في وقتنا الحاضـر وباللـي مقابيـل يفـداك ربـع قصـروا بالمهـمـات.....اللي علـى القـالات ماتنطـح الشيـل بعض العرب حي ومن عرض الاموات.....مايرتجـي نفعـه بحـل المشاكـيـل وفيصـل ذرانـا بالسنيـن المخيفـات.....هو درعنا الضافي الى ضدنـا الميـل اللـي نقـل عنـا حمـول ثقـيـلات.............راس الحصيـل ان كملـن الحصيـل

الله يرحمك ياالملك فهد رحمة واسعه والملك فيصل
وجميع المسلمين
ويغفر لنا ولهم الزلات
ويعطيك العافية ياجبران

القصيدة من قصائد الملك فهد المعروفة رحمه الله ..

ولكن كان بودي لو تنسق القصيدة بشكل أفضل بحيث تكون أبيات متتالية ويفصل بين كل بيت والذي يليه
فاصل....

تحية يابن خلاف..

فعلاً قصيدة من نوادر الشعر رغم أنها معروفة للملك رحمه الله ...!!

حنا هل العوجـا ولا بـه مـروات=شرب المصايب مثل شرب الفناجيـل

صح لسانك يابوفيصل _ ورحمك الله _ .

لك الشكر أخي جبران ...!!