لا تشتري لاند كروز2008 vx

الغش فنون , وعندنا أصبح ولع وجنون , قرأت موضوعا عن الغش في السيارات , صراحة غش يس فيه فن

ومساكين أصحاب المظاهر : قال أبغى صلون بس المقاعد جلد , ما أبغى مخمل , قلت ما فيه فرق كله في النهاية سيارة اشترى صاحبنا وقرات هذا الموضوع ونسخته وطبعته وسلمته , بدأ صاحبنا يلف ويدور ووجد علامات تدل على تبديل الفرش , وتغير الموكيت المخمل 0000


شوفوا الموضوع هذا وانتبهوا لاحد يخدعكم في اي سيارة

يقول صاحب الموضوع :

رحت امس الصباح لمحل تلميع سيارات,في صناعية الرياض القديمة,لأجل شغله بسيطة ابسويها لسيارتي,وقعدت اتمشى في المحلات المجاورة اضيع وقت على بال ماتخلص سيارتي,وشدني محل داخل في وسط حارة بالصناعية مليان سيارات لاند كروز2008 vxبدون لوحات قلت اشوف وش قصة هالسيارات وش جايبها(لقافة من الفضاوة)لقيتهم فاكين المراتب وسألت راعي الحل(المشرف على العمال)سوري الجنسية وسألته بعد ماخذنا في السواليف عن قصة هالسيارات قال بكل صراحة يعاملنا اهل المعارض( الشريطية)يجيبون السيارات على سطحة وننجد المراتب نشيل المخمل ونقلبها جلد ويبيعونها على الناس بسعر اغلى على اعتبار انها فئة اعلى من المخمل بسعر 3000ريال ويبيعونها على الغلابا اللي مايعرفون يفرقون بفرق17000ريال على اعتبار انها من الفئة الأعلى ونسترزق ويسترزقون!!
ويرجعون السيارات بعد ما نخلصها على سطحة ويوقفونها بالمعرض على الزيرو عشان ماحد يفكر ان فيه شي ملفق بالسيارة!
عاد هو قاللي صاحب المحل لا تقول لأحد وأنا بدوري ماقلت لأحد(بس كتبت هنا)وانتم لاتقولون لأحد عشان ما تخربون على الشريطيه شغلهم!!

من غشنا ليس منا..


والقانون لا يحمي المغفلين


كيف تنطلي هذه اللعبة على المفتحين ..

لو مهارة المنجد ايش ... لا بد يبان التلفيق

شكرا الناقد

الغش في كل مكان ولم ولن يقف على اللاندي كروزر

للغش فنون ومدرسة

لكن اين الذمة والضمير


شكرا يا الناقد2

قل اللهم إني بلغت اللهم فاشهد...

شكرا لك ايها الناقد ..

الشريطية ما فيه أوسخ منهم

شكرا أخي الناقد

يا كثرهـ في السعودية كل الناس عندنا غشاشين حسبي الله عليهم

أنا والله ذكرتني بقصة حصلت معي عام1418 في معارض الرياض لقيت ذاك المطوع ملتحي والمسجل شغال على القراءن الكريم وريح العــــــود يفوح منه ويوم سألته ياوالد كيف السيارة قال والله ياولدي انها على يدي وكاله ولا اعرف فيها عيب الا البويا ورشيتها فرن وهذه قدامك وهذا الكلام في رمضان والله العظيم في ليله من ليالي شهر الخير والغفران بعدها آمنت بالله وشريت السيارة0

وبعهــــــــــــــــــــــــــــــــــــــــدهــــ ـا طلع ما كان يخفى على 0

1/ طلع صاحبنا ((شريطي بن ..............تم التعديل بواسطة المراقب.............)))
2/ طلع الشاصي مكسور من الجهة اليسرى وملحمه نصف الشاصي بس والله ما ضلمته
3/ حاط ياي من دون مساعد وفي الجهه الاخرى مساعد بدون ياي 0
وفي الاخير رجعت وبديت اسب ....... فيه وفكو بيننا الشريطيه وحلها صاحب المعرض بخسارة الف ريال والله وقبلت واخذت فلوسي ودعيت عليه دعوه والله لو كان كافرآ وعرف ما قلت لكان تنازل واعطاني المبلغ كاملآ ولكن طلع شريطي ابن .....(تم التعديل بواسطة المراقب)........ 00ماعندهـ احساس الا في الفلوس الظاهر .............الشريطيه الفلوس يحلفون عشان يطلعون الريال من ضهر الزبون حسبي الله عليهم

أخي الكريم يمنع منعاً باتاً إيراد مثل هذه الألفاظ

وين بيروحون هؤلاء الشريطيه من الرحمن
اخي الناقد / الساكت عن الحق شيطان أخرس
بلغ أقرب جهة مسؤلة حتى تبري ذمتك
دمت بود وسعادة

الحلم
المعتز al-qadhy

عجاج ابوالليل المهاجر111 أحمد الشعبي م.عبدالله


شكرا لمروركم جميعا , كفانا الله وإياكم شر الغشاشين