أماني خريجي كليات المعلمين بين الحلم والحقيقة(ذبول وروود وثمار النجاح)
أماني خريجي كليات المعلمين بين الحلم والحقيقة(ذبول وروود وثمار النجاح)
بصراحة يعجز لساني وأناملي عن التعبير عما بداخل كوني خريج (كلية معلمين) لكن ماقول غير الله يوفقنا الجميع كليات+جامعات .....
كليات المعلمين حسب معرفتي متأسسة عـ 1409 هـ ـــام من ذاك الوقت لين هالوقت خريجيها يتعينون من غير نقاش
هالسنة أتغير الوضع صرنا نختبر ونتسابق ونتنافس ..!
بالأول قبلونا بعد مقابلات وأختبار تحريري وقالوا لنا خلاص أنتم اللحين مدرسين وظائفكم مضمونة.........الوزير يقول مافية وظائف ؟
لماذا ؟هل لعجز مالي أو أكتفاء أو ماذا؟
ذا ماله إلا تفسير واحد .
العام الماضي تم تعيين إخوان لنا لا نحسدهم هذا رزقهم ولكن كانوا الغالبية من الجامعات والجامعة عاد عارفين يتخرج منها من هب ودب.......مع أحترامي للجامعيين
كليات المعلمين تعرفون برنامجها ضعف برنامج الجامعة+تطبيق
يعني طالب الكلية يتخرج وهو على القليلة براسه شئ والعكس صحيح
ما أبغى أطول عليكم لأني عارف إن هذا الموضوع لن يلقى أذان صاغية لسبب واحد وهو عدم متابعة المسؤلين لهذة المنتديات التي يطرح فيها هموم الشعب
ماقول غير ماقال الشاعر:
ودّي ولكن وقّف الوقت ضدّي ... دنيا ردّيه ماتجي لك على الكيف
وقت التعاسه صار فيه التحدّي ... وضاقت علي ابواب كل التصاريف
وقال أخر:
الوقت لو زانت لياليه مادام**واقسى من الحرمان طعم الهزيمة
ما أصعب من الواقع سوى قتل الأحلام**واخطر من الواقع مواجع قديمة
منقول الرابط هنا
