بنت تصرخ في وجه أمها
( أبي أعرس يا يمه )
نزلت هذه الكلمات مثل الصاعقة على الأم
كانت صدمة لها
مع أن المفروض أن كل أم تفرح
لما تسمع ها لكلمة من واحد من عيالها
لكن سبب الصدمة كان إن ها لكلمة
ما صدرت من ولدها
لكنها صدرت من بنتها
إيه
بنتها
والله هذي هي النشبه
إنربط لسان الأم
دارت فيها الدنيا
قامت تهوجس
تفكر
تودي وتجيب
وتهمس لنفسها
الولد نقدر نخطب له
لكن البنت
من وين بنجيب لها رجل ؟
يمه
يمه
هيييه
يمه
ردي علي
تكفين
زوجيني
صحت الأم من الهواجيس
الساخنة
القاتلة
اللي أصابتها من الصعقة السابقة
كانت البنت تهز كتف امها
وتترجى فيها
يمه
آه
يا يمه
إفهميني
انا أبى اعرس
لكن الأم ما قدرت ترد بأي كلمة
كانت بس تناظر في عيون بنتها
وتقول بينها وبين نفسها
هذي اللحظة اللي ماعملت حسابها
الظاهر بنتي كبرت وأنا مادري
رجعت البنت ورمت نفسها على الكرسي
بكل إحباط وقالت
انتم ليش ما تبون تفهموني
أنا خلاص كبرت
صرت حرمه
عمري الحين فوق العشرين سنة
يعني حرمه
إفهميني يمه
الله يخليك
افهميني
اخيـــــراً
تكلمت الأم وقالت
خلاص يا بنيتي فهمتك
والله فهمتك
وعرفت بالضبط بشنو تفكرين
وشنو تبين
وهي قاعدة تفكر
وشلون تبي تفاتح الأبو في ها لموضوع
لا
المصيبة
قربت البنت من أمها وقالت
يمه وشهو اللي خلاص
إنتي تحسبيني ألين الحين بزره
يعني بتصرفيني
بتضيعي السالفه
أنا حرمه
انا الحين صرت حرمه
وكل صديقاتي اللي معي تزوجوا
يمه الله يخليك حسي بشعوري
والام مسكينة يتقطع قلبها على بنيتها
وتقول في خاطرها
الله يعينك يا بنيتي
كل هذا في قلبك ومتحملته
والبنت استمرت في صراحتها
يمه
انتي أكيد تعرفي مشاعر
أي بنت في عمري
صح يمه
وانا ما طلبت شي خطأ
طلبت العرس بس
وهوجست الام
ورددت
العرس بس
إيه هين
لا
قال العرس قال
هو العرس ينقال عنه
بس ؟
وكملت البنت
يمه سامحيني على صراحتي
بس مالي غيرك أفضفض لها
انتي لو تعرفين شلون إحساسي
كلما فكرت في صديقاتي المتزوجات
أتخيل سعادتهم
واتصور شعورهم
فاهمتني يمه
وقفت الام في مكانها
وحاولت إنها تكون صارمة
عشان تنهي الحوار
وقالت
خلاص يابنت
فهمت عليك
لا تحني على راسي
خلاص
فكيني
ارحميني
أنا فهمت وماله داعي كل ها لشرح
واذا جاء أبوك تفاهمت معه
انتي تحسبين الموضوع سهل
يمكن بينجلط الرجال فيها
قامت البنت من مكانها
وواجهت امها وقالت
يا مويمتي
ما بعد فهتميني
ولا حسيتي بللي احسه
انتي عايشة في نعيم مع أبوي
أنا أشوفك كل يوم تروحين مع أبوي
وانا محرومه من هالشي
تحسبيني ما افهم
ما أحس
يا بنيتي اسكتي
قطعتي قلبي
يمه
أنا ماني صغيره يمه
اعرف شعورك لما تكونين مع الوالد
ومسكت كتوف أمها بين يديها
وحطت عينها بعين أمها وقالت
يمه لازم تفهمي ليش أنا أبى أتزوج
الام
ماقدرت تتحمل
وهي تسمع صراحة بنتها وجرأتها
ودارت وجهها عن بنتها وقالت
يا بنت استحي
عيب
لا تكملي
لكن البنت كملت كلامها
يمه المسالة ما فيها حياء
هذي مشاعر طبيعية
كله كوم
ومنظر صديقاتي كوم يا يمه
كل يوم أشوفهم
يجيبونهم أزواجهم للكليه
وانا قلبي يتفطر
لما اشوف اشكالهم مع ازواجهم
وانقهر زود
وانا كل يوم اركب مع السواق للكليه
يمه
انا كلي أحاسيس ومشاعر
يمه افهميني عاااااد
لكن الام ما استحملت
طاحت على الارض مغمى عليها
والظاهر انها انجلطت
جلست البنت على ركبتيها
جنب امها
تحاول انها تصحيها
وهي تصرخ
يمه
يمه
يمه
افهميني.
أنا ....... أنا ....... أنا
أنا أبى أتتزوج
عشان
عشان
عشان
أبى اركب
قــــــــدام في السيارة مع زوجي
تحيــاتي
أبوعمـر
