الشاعره السوريه:
جولييت بدر
وقت اللي ما بتكون معي
ونغمات صوتك ما بتجي
عا مسمعي
وأحلام عمري تسرقا
من مطلعي
شو بشوف حالي زغيّرة
وملبّكة ومحيّرة
وما يعود شي يفرق معي
مابعود اقشع هالحلا
وبيضيق شباك الصلا
بشعر بروحي وبسألا
يغلّ الحزن في مدمعي
وبصير احكي بلا وعي
بتوعدني ياوعدي الهني
تعيّشني بأحلى دني
بس الدقيقة بغيبتك
بتطلع صبيّة
بنت ستّعشر سنة
بغار منها
بعاتبك
بتقول : لا تتسرّعي
بس اسمعي
ما بتعرفي إني معك ؟؟
بعرف أنا ... منّك معي
