شوعي سيد أبوك ياشوعي بكرة مدرسة لاتهب لي لعبة العام ضحكت عليه الناس ونته تجغور .
شوعي ..شوعي قم تيه جدتك مهطلى أتلك بحيسية قم وشع سيدي ..والله ماجابه ..شوعي نته مبرهن لمدرسة مانته مبره لمختينة ..شوعي ترى محقب حق العام عادني لافنه ..قام شوعي يتعتشى ..يموت في محياسي ..أقول :باه بقيت في محيسية شوية أشاه عزبه أفصخبه الصباح ناهي يابوك فصخ ..هاه غسلته أيته يابوك نتهرج يقلك لكبرابنك خاوه ..طيب يباه ..يابوك مدرسة تعلم فيها تقرأ وتكتب يعلمك الأستاذ وتلقى الطلاب تلعب معاهم والله لتعود تنسى مبيت وتنسى مسجل ومحمدجيلان وتفلح وتصيررجل شتلحقبي قد مسعني مجرب ومتليم لاأعرف أكتب بس تعلمت أقرأالقرآن في مسجد زمان ولكن والله يابوك إني أعرف أقرأالقرآن أحسن من ذيلا اللي الواحد يقرأالآيات مكسرة وآخرمشهر يستلم زربة بس قديهاأرزاق يابوك ..شوعي عسى ارقدته ..لايباه ..عادك معايه ..ياوه ياباه ..ومالك ساكتن ..أقول :باه مدرس يضرب ..يابوك لالا مدرس يحبك وينجحك حتى لنته ممعاك ولوبتسه المهم ينفك من وجهك حتى ماتبقى عنده السنة الجاية وحتى يقولون له أنت مدرس ناجح وتربوي مادام ماحد رسب عندك ..طيب ياباه وهن يضربني ..يضربك كيف نته أتيته شتعلم وإلالمضرب لويضربك قله على طول يقولك بويه مضرب ممنوع.. بس مدرس العام كان نته تخرج من مدرسة وهويزفني بملطام ياتي المدير يقول ماله يبكي يقله مدرس شيروح عندماكان أبوه هنا ساكت وذحين يبكي شيروح وهذه مسؤلية لابدنسلمه والده قال المدير صدقت ياأستاذ ..أقول: معاك دلع خله بيتكم تشى المدرسة وإلاتشى البيت ..خرج المدير ومدرس يزفني بملطام امثاني وزملايه ضحاكه عليه ويقلهم ضحكواعليه وعايروه قولواله بكايه كلماقابلت واحد قال لي بكايه حتي أن مدرس يقول للطلاب في امفصل اليوم عندنا نشودة حلوة تحفظوهابكل سهولة هيارددوا ورايه شوعي بكى ودمع ..جدته تسمع هبن في ذنه حماطه ربطنه في مقعاده .دخل المدير وقال اسمع قعاده قال له مدرس أعلمهم بحق زمان من أجل الربط بين الماضي والحاضرقال المدير ماشاء الله عليك معايه حق عندماخليتوك تمسك الصف الأول منذ عشرسنوات ..إييييه ياشوعي ومالك معلمتاني ..مهوياباه بطلت ..طيب يباه بكره ماهونسوي في مدرسة ..إييييه ياشوعي لكني أعرف الإجابة وبعدين مثل العام قدعرفتاه وإلاتدري والله معاك حق كل يوم تظهر أنظمة جديدة ..هبس ذكرتاني الليلة لقيت خالك عكشي مروح من مبلد وإني أسأله حتى تعرف ياشوعي إن بوك متابعك من أول يوم المهم قلت لخالك عكشي معايه شوعي بكرة حامشن لمدرسة ونته فاهم قدعلموك عيالك
والله مدري حامشن وإلاعامشن لمبيت مثل العام ..يارجال عين خير قد عرفت السبب وإنشاء الله مايتكرر المهم والله عيالي ماأدري في ياسنة إلامعايه مدرس بعض الأحيان أروح عنده العصر اتهرج وأحياناكفة مرجل ومليلة اللي نايم قديني أعرفهاماأروح يوصيني أشتري له زربة دجر معاه نعجة تراه مدرس ويحبه امضان سمعتوه يقول لواحد أول يوم توزيع الهداياوالحلوى على التلاميذ ثم ينصرفون بعدساعة مع أولياءأمورهم يرافقهم معلمهم إلى باب المدرسة لتوعيتهم بآداب المرور وفي اليوم الثاني هش هش الله لاقابلك والله مبقيلي عظم ..كنك نشرعني والله معادبيتوك .
المهم ياولدي ياشوعي على ماسمعتوه من خالك عكشي يقول لك أول يوم يعطوك عصير وحلاوى ..باه بس ..هماتشى ..باه أشى حيسية ..تحاوسن والله رجليك ياشوعي ناهي تحصل قطعة خبزه فيهانصف بيضة عادك تشى لحياسي وكان شيكملي ماهويسون اليوم الثاني ونه ينفر لبادن جلبن حماره لومشدومبراضع ومعلف كلها عليه بعدين حشم وأبى لاعاديكمل لكن هألقى غيره ..شوعي شوعي شوعي ..والله قديه من صيد أمس هياارقد سيدي بكرة عندك مدرسة .
