تخيل انك تكلم الكيبورد((محاوره مع الكيبورد))
اليكم هذه القصيده اهداء مني وذلك نظراً لغياب البعض الذي طال
والبعض الذين حضر وأضأوا هذا المنتدى لتواجده
ودمتم سالمين
الكيبورد :
وينك ايه انت وينك
وش صار بيني وبينك
اشتقت والله لدينك
................... تعال خلصني تعال
روح القلم :
لبـيـه يامن ينادي
تـوه ماخلص حـدادي
ماتشوف كاسيني سوادي
.................. توه ما جاني مجال
الكيبورد :
تعبت من كثر السكوت
وجمودك خـلاني اموت
سكوتك خيط العنكبوت
..................إلحقني يا ابن الحلال
روح القلم :
كيبورد مدري ايش اقول
عاملتك.. بنصاف وحلول
وكتبتك وحروفي .. شمول
................... شعر وحكم وآحلى مقال
الكيبورد :
كتبتني وابغى .. بعد
ارجوك لا لا .. تبتعد
في داخلي حرفك .. رعد
.................. وبروق وأمطار وزِلال
روح القلم :
ماني المطر ..اناالضما
واذا تبي حالي ... كما
تايه عما و"قـاده عما"
................... أَرجع انا ؟ .. هذا محال
الكيبورد :
اجل انا خـلفك اسير
ضرير يتبع له ضـرير
راضي انا باللى يصير
................... واللى تبي صعب المنال ؟
روح القلم :
اللى ابي راحت غـروب .
راحت غروب صوب الجنوب !!؟
الله حسيبك يا الهبوب
.................. ليتك .. توجهتي شمال
الكيبورد :
انت اتفلسف وش بلاك
ترى عيونك مو وراك
فعلا ً عما والله عماك
.................. إذا حكيت احك بعدال
روح القلم :
والله ترى حكيي صحيح
جاها هبوب وجاها ريح
ولحقتها واركض واطيح
................. والدمع وسط الخد سال
الكيبورد :
وبعدين ايش اللى حصل
روح القلم ، عسى فيها أمل ؟
بس اختصـر بعض الجُمل
................ شفقان .. مافيني إحتمال
روح القلم :
قالت ابيك وما أبيك
ابيك وودي ..احتويك
ومابيك يومي احتريك
.............. بذاك الوعد لين "الزوال"
الكيبورد :
كمّل ترى فاق الصبر
انا بعد بآخـذ عِبر
" أكتب ولافيني حبر " ؟
................ في شاشتي سر الجمال
روح القلم :
قلت الوعد قبله وعود
ياما انتظرتك ياجحود
حامل معي عطـر وورد
............... تحت الهجير ولابه ظلال
الكيبورد :
فهمت قصدك يا الأبي
عزيز نفس .. ويّعربي
ماتبغى منهو ما يبي
.............. افعال موروث الِرجال
وسلامتكم
وسلامة الجميع من كل شر
ويجعل هذا المنتدى من فيه بصحه وعافيه يا رب
وتدوم المحبه بقلوب الجميع
اخوكم
" روح القلم "
