الله يكفينا شر الدنيا
ويكفينا شر من له انياب لا ترى بالعين المجرده .
ويكفينا شر من يخربش على جدار القلب الطيب
ليجعل له طريق فرعي الي الغلط
ومسح ذاكرة القلب لما فيها من طيبة
ليجعل الدم على سطور الورق لايمكن قرائتها
وبالاخير تصبح الحياه لعبه بين يدي الشياطين
ونوم عميق لمن لا يرى الحقيقه في عقله قبل قلبه وبين عينيه..
نصيحـــــه
يا شاري الحاظر على حساب ماضيك .... خايب وخابت شريتك..خاب مسعاك
لافعل غانـــم لا ولا مدحــــه أتجيـــك .... ان جيت ولا رحت محدٍ بلاماك
ثــوبٍ مهو بثـــوبك تــرى مايغــطيك ... وماضن لبس الغير ياخوك يزهاك
اقبل نصيحة من خــــويٍ يداريـــــك .... يفهم علوم المرجله وكله إدراك
خلك حذر مـــع كـــل واحــد يخاويك ... ماكل من عاشرة بالعشره أوفاك
ابن الحموله ان حكـــا ما حكــا فيك ... وابن الردي إحذر تراه يتقفاك
ون جيت تمشي احسب اول خطاويك ... مشين بلا حسبه ضياعٍ لملفاك
وإن جيت تحكي إحــك حكي ٍ يعليك .. وعرف ترى كثر الحكي أول إخطاك
وبالك من الي ..ضحكته دوم يهديك.... وبالك تضيق من الذي بنصحه أبكاك
أعرف ترى من ضحكك ضاحكٍ فيك....وعرف ترى من ينصحك طالب إهداك
ولاتاخـــذ الدنيــا بضحكـــه تسليـك... بعض البشر يفرح إلا صرت مضحاك
وخلك مزوحـــي..والغضـب لايخليـك ...أضحك بسنك واشهر الناب لعداك
عالمــك مــثل الورد ألــوان تغريــك ... ون ما عجبك اللون في عطره أغراك
ولا كما غيمــه تحـــوم وتباريـــك ... ترويك مره وباقي العام تنساك
واعرف ترى ماكــل رويه بترويــك.... وماكل ورده صافيه مابها اشواك
سلامتكم
اخوكم
"روح القلم"
