حقوق المرأة باللهجه الحجازيه

حقوق المرأة


الدكتورة : ليلى صالح عزوز

‏باللهجه الحجازيه الجميلة

ما يرفع ضغطي شَي زَي كلمة حقوق المرأة .. وبالذات في السعودية ..وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو ب الكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة ... قال.

منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات ... وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ..... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد .... يقول إنه من ظهر أبوه ..... يفتح فمُّه؟ .... على طول يسمع العبارة الشهيرة .... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!

اقتصاديا

شوف الراجل.. السبع.. الغضنفر.. المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعر قصر ... مو بيت ... من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع . مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.



قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .... ... ومع هادا كُّلو ...لازم يبقى رومانسي.

بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إلل ي ما نروح غير يا مصر .... يا سوريا .... والسنة اللي غيَّرنا فيها ... رحنا ماليزيا.

وفي رمضان: تعبت .....أوف ......إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ......مقاضي العيد من جده ...أختي جابت ملابس لها ولعيالها ... إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟


::sa08::
عجبتني الجداوية
::sa05::

سيدي يامعزوبية ... بروح روحي عنها بس حب:

بطلنا ماعاد نشا لا زواج
وخلا المزوجين ينادون بحقوق المرأة ::sa08::

أنا شأنادي معامل يهبلي فطووور ::sa03::

مقال جميل صفحة رقم 6

طبعا انا لست بالدول العربية ولكني عايشت بعض من النساء هنالك

بطبيعة عملي وعلاقاتي

في البداية أحب أن أنوه علي شيء

ان المرأة لا تطالب بالمساواة والحرية

لان الدين الاسلامي اعطاها حقها من غير الديانات الاخري

المرأة الان تطالب بفهم الصحيح وتطبيق عادل للرجل

في المقال بعض من السلبيات التي دوما تؤثر علي موضوع حقوق المرأة

السلبية الاولي انها قارنتها بالمرأة الغربية وشتان بين البيئتين

لكم دينكم ولي ديني

لكم طباعكم ولي طباعي

لكم اخلاقكم ولي اخلاقي

السلبية الثانية وهي دوما عملية الربط بين اي طلب وحق بالتواريخ السياسية

ونعت كل شيء علي الغرب .. بدلا من ان نتفهم وجهة النظر وتقبلها او رفضها

للمجتمع نفسه هي قضية اجتماعية وليست سياسية

السلبية الثالثة هي عملية البهرجة لمعاملات بالدول الغربية

وطريقة تعامل الفرد لا اري بها اي من الصحة

رأئي الشخصي :

لا خلاف ان المرأة الشرقية مرفهة اكثر ماديا واجتماعيا

ولكن في بعض الحلات حقها بالتعليم مهضوم

حقها بالعمل المناسب لها ولاسرتها محروم

حقها النفسي مع الزوج مهضوم

عملية العنف ضد المرأة للفهم الخاطيء

لحق التقويم والتصحيح

والكثير الكثير من الامور التي ببعض الحلات

لا تملك المرأة الا ان تصمت وتستسلم

هذا لا يعني ان جميع الرجال غير عادلين

ولكن يتفاوت العدل بالفكر والتعليم والفهم للدين الاسلامي

رأئي علي عجل ولي عودة اخري

ان حمي الوطيس :)

ودي وتقديري

مون لايت

الاسلام الحنيف ضمن حق المراءه من كل الجوانب النفسيه والماديه ولاخلاقيه ..............

هذا بختصار..!!!!!!

ما رأيكن يا بنات حواء؟
اعتقد إن رأي المرأة سيضع النقاط على الحروف
شكراً صفحة

الموضوع حلو جدا
والله كسروا خاطري الرجال وخاصه فالمناسبات
فعلا يقصر على نفسهـ عشان اهل بيتهـ

والحقوق والله صادقهـ انها مو مهضومة ولا في شي
ذاك زمن وانتهى
المرأة لو ماتحصل شي تطلعهـ من عين زوجها
وفي التعليم مين قال مهضومة
وحقها مع زوجها والله بعض الرجال مايقصروا على حريمهم بشي
واحيان يكون الغلط من الحريم
الحمدللهـ جالسه والمكيف يلطخ على راسك ونت 24 ساعه
واكله شاربه وهو في هالحر والرطوبه الكرف مايرجع الا وهو كاره نفسهـ
الحمدلله ياربي
اما العمل صح حقها مهضوم مهضوم مهضوم
وعلى فكره اغلبيه البنات مو للحاجه يبغوا الوظيفه
لكن يبغوا ثمرة كفاحهم
وشكرا

تسلمي ع النقل

اقتباس:

---

المشاركة الأصلية كتبت بواسطة moonlights

مقال جميل صفحة رقم 6

طبعا انا لست بالدول العربية ولكني عايشت بعض من النساء هنالك

بطبيعة عملي وعلاقاتي

في البداية أحب أن أنوه علي شيء

ان المرأة لا تطالب بالمساواة والحرية

لان الدين الاسلامي اعطاها حقها من غير الديانات الاخري

المرأة الان تطالب بفهم الصحيح وتطبيق عادل للرجل

في المقال بعض من السلبيات التي دوما تؤثر علي موضوع حقوق المرأة

السلبية الاولي انها قارنتها بالمرأة الغربية وشتان بين البيئتين

لكم دينكم ولي ديني

لكم طباعكم ولي طباعي

لكم اخلاقكم ولي اخلاقي

السلبية الثانية وهي دوما عملية الربط بين اي طلب وحق بالتواريخ السياسية

ونعت كل شيء علي الغرب .. بدلا من ان نتفهم وجهة النظر وتقبلها او رفضها

للمجتمع نفسه هي قضية اجتماعية وليست سياسية

السلبية الثالثة هي عملية البهرجة لمعاملات بالدول الغربية

وطريقة تعامل الفرد لا اري بها اي من الصحة

رأئي الشخصي :

لا خلاف ان المرأة الشرقية مرفهة اكثر ماديا واجتماعيا

ولكن في بعض الحلات حقها بالتعليم مهضوم

حقها بالعمل المناسب لها ولاسرتها محروم

حقها النفسي مع الزوج مهضوم

عملية العنف ضد المرأة للفهم الخاطيء

لحق التقويم والتصحيح

والكثير الكثير من الامور التي ببعض الحلات

لا تملك المرأة الا ان تصمت وتستسلم

هذا لا يعني ان جميع الرجال غير عادلين

ولكن يتفاوت العدل بالفكر والتعليم والفهم للدين الاسلامي

رأئي علي عجل ولي عودة اخري

ان حمي الوطيس :)

ودي وتقديري

مون لايت

---

شكرا اختي مون لايت على ردك الخصب
ويبقى الدين الاسلامي سيد الاديان واكملها
وتكريم المرأة في ديننا لا يختلف عليه اثنان


ننتظرك إن حمى الوطيس ::d::

اقتباس:

---

المشاركة الأصلية كتبت بواسطة جارهـ القمر

الموضوع حلو جدا
والله كسروا خاطري الرجال وخاصه فالمناسبات
فعلا يقصر على نفسهـ عشان اهل بيتهـ

والحقوق والله صادقهـ انها مو مهضومة ولا في شي
ذاك زمن وانتهى
المرأة لو ماتحصل شي تطلعهـ من عين زوجها
وفي التعليم مين قال مهضومة
وحقها مع زوجها والله بعض الرجال مايقصروا على حريمهم بشي
واحيان يكون الغلط من الحريم
الحمدللهـ جالسه والمكيف يلطخ على راسك ونت 24 ساعه
واكله شاربه وهو في هالحر والرطوبه الكرف مايرجع الا وهو كاره نفسهـ
الحمدلله ياربي
اما العمل صح حقها مهضوم مهضوم مهضوم
وعلى فكره اغلبيه البنات مو للحاجه يبغوا الوظيفه
لكن يبغوا ثمرة كفاحهم
وشكرا

تسلمي ع النقل

---

شكرا على المرور والتعليق
وفعلا المرأة لا تحتاج للوضيفة فقط تريد ثمرة تعبها ::D::
::sa05::::sa05::

اخ الصاعق شرفت الموضوع
وخلك عزابي احسن
:)

اقتباس:

---

وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

---

يتقلعب:

قوية

قوية

قوية

عز الله ما قالت إلا الصدق

شكرا شكرا صفحة6

اقتباس:

---

المشاركة الأصلية كتبت بواسطة السكينة

الاسلام الحنيف ضمن حق المراءه من كل الجوانب النفسيه والماديه ولاخلاقيه ..............

هذا بختصار..!!!!!!

---

نورت الموضوع
أهلا بك
ومعك حق الدين الاسلامي كفل لها كل الحقوق
::sa05::

اقتباس:

---

المشاركة الأصلية كتبت بواسطة عجاج ابوالليل

ما رأيكن يا بنات حواء؟
اعتقد إن رأي المرأة سيضع النقاط على الحروف
شكراً صفحة

---

أهلا بك اخ عجاج
نورت
ومهما يكن رأينا فهو مجرد رأي ولا يصح إلا الصحيح ::sa05::

اقتباس:

---

المشاركة الأصلية كتبت بواسطة أبوإسماعيل

يتقلعب:

قوية

قوية

قوية

عز الله ما قالت إلا الصدق

شكرا شكرا صفحة6

---

::d::
::d::
نورت الموضوع اخ ابو اسماعيل
وشكل العبارة ذي جت على الجرح
يتقلعب:

بااللهجة الجيزانية الدارجة

امحريم لايعجبهم امعجب ولا امصيام في رجب

كل شي عندهم وعادهم يتشرطون

طيب إيش الحل معاهم

اقتباس:

---

المشاركة الأصلية كتبت بواسطة ابو سلاف

بااللهجة الجيزانية الدارجة

امحريم لايعجبهم امعجب ولا امصيام في رجب

كل شي عندهم وعادهم يتشرطون

طيب إيش الحل معاهم

---

شكرا اخ ابو سلاف على مرورك وتعليقك
ومحريم مساكين كلمة توديهن وكلمة تجيبهن ::d::