لاصــرت بايــعني اشــوفك على خيــــــــــر
مع السلامه دامــ مـــــــابه سلامه !!
قلت : انتهـــــينا ؟ قلت لـــك : خير يـــــاطير !
ماني بأول شــــــــخص يخسر غرامه
مــحــذرك من قـــبلهـــا الف تحــــــــــذيـــر
لا عفتــني بيـــعـــيف قلبـــي هيامــه
مــــــانيب مـيـت لا ولا احتـــــاج تبــــــــرير
صح الله لســــــــانك ووفر كلامـــــــه
بأسـمَـــعك حبكــــــه وفــكـره وتــــصويـر
وافهم عــدل يا مـدعي بالفهــــامه
وجه الشــعر ( ابيـــض ) ويـحتـاج تغــيير
ودي تزيَــن هالقــــصيده (علامــه )
مــاضيك الاســود با أذكره دون تـقصـيـر
كـذا يكــون بخد هالـشعر (شامه !! )
يصـدق مــعي تعـــبيـر ويخــــون تعــبيـر
ياضيـــعة الشـــاعر بوقـت انسجامه ؟!
يمكن خطــا ادونَـــك بالـــشــعـر مـيـر ؟!
لو مـــا احترمـتك ... للـغــرام احـتـرامـه
مــا كان حــبـك غير ... بس طعنتك غــير
علمـــتني معنــى الـنـدم والندامــــــــه
مــا جــاك منـي اي زلـــه وتـقـصـيــــــــر
كل مـــا خطيت اعـــاتبك بابتســــامه !!
حســبي علـى الذكرى اذا هبت عصيـر
مــاعــاد تنـفـع شــــرهتـي والـمـلامـــــــه
البـــال ظامـــي وقـتـهـا والـــحـزن بـيـر
والـهـم انــا اول من كــسبــت اهـتمامــــــه
واللـيـل فـــازع لك كـذا ؟! جاني مغــير
ظلمـــــتني واكـــثــر ظلمني ظــــلامـــه !!
لا اقبــل عليَ أوحــيت صــوت المساييـر
وفــزيـت كـــــل ضيــفٍ أقـــــوم بـمـقـــامــه
ولــيــا عــزم هاللـيـل ضـيـقـه وتـفـكيــر
قلـــي بربـــك كـــيف بقـدر انــــــــــــامه ؟؟
مـــافيه داعــي للعـــــتب والمعـــــاذير
الغدر ( خـال ) الجرح واطـيب ( اعمامه ) !!
أمـــا يجيـب الله مطـر ... تـــالي وخــيـر
والا الســـلامه ’’ مــاااش ’’ ما من سلامــه
دمتم بود ... !!
