فــــــقـــــــيـــــــر

فــــــقـــــــيـــــــر



فقير وعندي المال الكثير

فقير وملبسي غالي حرير

ويا صاحبي الحافي الفقير

أبنشدك ابسئلك وشهو الحصير

وابسئلك وشلون انا آمر وانهي

وإذا حكيت قبل انتهي من كلمتي

يقال لي سم ويصير

ولا شكيت من غفلتي طول زمنها

يقال لي لا تشتكي ما خلقت الشكوى لأمير

وابسئلك وشلون أنا مع كل ذا

!!!أقول عن نفسي فقير؟؟؟

يا صاحبي لا صار للضحكة ثمن

وصاروا أصحابي كثير بس بثمن

والوفاء ما به وفاء إلا بثمن

ابسئلك ماني فقير ؟؟؟

ولا صارت أقوالي حكم

ولا قالها غيري غدت .. حكي قديم

ابسئلك ماني فقير؟؟

ولا صرت أنا مانيب أنا

ولا غلطت قالوا صحيح وكل شي أعمله يصبح عظيم

ابسئلك ياصاحبي ماني فقير؟

ويا صاحبي ابنشدك لمن جفتني دنيتي

وابتدا الدرب الطويل اللي ابد ما ينتهي

وانتهي العز القديم وما كنت أظنه ينتهي

والموت بدد فرحتي .. وحطوني في قبر صغير

وحزنوا علي وبكوا هلي وناس من ربعي قليل

وارتاح من وجهي كثير

وبقيت وحدي في حيرتي ما به احد

لا طال عمرك ولا تحت أمرك

ما غير أنا وخوف ولحد وحساب قدامي عسير

وقتها ذكرت إني من زمان

يوم انه أمهلني الزمان

هذا ظلمت هذا جرحت يا ما كذبت

وذنوبي ما تحصى كثير

وقتها إلا ندمت ونفسي كرهت

عرفت إن الله كبير وان الهلاك أصبح أكيد

واني أنا مالي رجاء..ولا هروب من الدجى

من الجحيم إلا بأمل عندي وحيد

إن الله غفار ورحيم

ابسئلك يا صاحبي عني في وقتها

ماني فقير؟؟؟



عبدالرحمن بن مساعد

ذوق رفيع منك يا اخ الصبح والليل في اختيارك شعر من اشعار عبدالرحمن بن مساعد شاعرنا المبدع دائما