تعرف غيابك مصدر الشوق فيني

تدري وش اللي ضيَيق الصدر طاريه
انك علـى بالـي وتعـرف حنينـي



جاوب صدى صوتي بحاضر ولبيـه
ترى حروفك تطرب الحـس فينـي



لاجيت ابكتب عن ألـوَك* وتغليـه
لقيت دمعي حايـرآ وسـط عينـي



ماقول لك تكفى ولاقـول لـك ليـه؟
امَـا تجـي يمـي او انـك تجينـي



في الحالتين ابغاك يا نـاس اغليـه
يطفي لهيب الشوق داخـل ونينـي


يلملـم اشتاتـي بلمسـة آيـاديـه
ويكسَر اوصال الحزن وسط عينـي



واروح انا فـدوةً لمنهـو مسمًيـه
واطيح وان شالتني كـل ارجلينـي



ساعات احس اني بقربـه واناديـه
ماعرف عناويني ولا ويـن وينـي؟



القاهرة في حضرتـه شانزيلازيـه
حتى الرياض بكبرهـا فـي يدينـي



واغيب عن mood الألم والتآويـه
والقى الفرح يزهي علـى راحتينـي



لاتكحل عيونـي بدمـع المشاريـه
وخل العتب يذبـل علـى ناظرينـي



ولَا تعـال ودام هالوعـد نرجـيـه
وصلك عن العالـم بـزود ويفينـي



باستوطن اتعابك وحزنـك بداريـه
وابقسـم الآهـات باقـي سنيـنـي



وان ماكفى صدق الغرام ومساريـه
مهدت لك خطـوات شـوقِ دفينـي



عل وعسى شعري يترجـم مآسيـه
وتعرف غيابك مصدر الشوق فينـي



منقول

ماقول لك تكفى ولاقـول لـك ليـه؟
امَـا تجـي يمـي او انـك تجينـي



في الحالتين ابغاك يا نـاس اغليـه
يطفي لهيب الشوق داخـل ونينـي

ألف شكر لك ( عديل الروح ) على نقلك الرائع
دائما يكون الاشتياق على قدر عظمة ذلك الحب