عرض للطباعة
هناك شاعر يطربك وهناك شاعر يجذبك وهناك شاعر يفقدك عقلك ورشدك وهناك شاعر حتى بصوته يزعجك
هناك شاعر يعتمد فقط على ألقائه وهناك شاعر تلامس كلماته وجدانك فتحرك مشاعرك واحساسك وتغوص في أعماقك
فتهيج ذكراك وتخرج آهاتك وزفراتك وتنسكب عبراتك .
ولكل ميول ولكل منا شاعر مفضل يتابع قصائده وكل جديد له سؤالي واتمنى ان يشارك الجميع
( من شاعرك المفضل ) ؟؟؟
سواء كان الشاعركاتب للشعرالفصيح أو شعبي ..
أبو محمد : فكرة رائعة تشكر عليها
بالنسبة الشعراء الذين أنجذب إليهم في الوقت الحالي
الشعر الشعبي هناك اثنان دائماً استمع اليهم ويعجني شعرهم
وهما الشاعر سعد علوش و وحامد زيد
أما الشعر الفصيح فهناك شاعر [ من ضمد ]
وهو الشاعر محمد حبيبي , عندما أقرأ لشعره
لا أفهمه من القراءة الأولى يحتاج إلى قراءة بتمعن للمعاني
تجده يجذبك بأسلوبه الذي يتفرد به ويبتعد عن تقليد الآخرين
هلا وغلا أخي ( مجرد إنسان )
سعد علوش وحامد زيد شاعران متمكنان ولهما جمهور عريض
بصراحة من وجهة نظري سعد علوش يعاب عليه الإلقاء
بعكس حامد زيد الذي أرى إنه يعتمد كثيرا على إلقائه لنجاح قصائده
تحياتي لك
طرح جميل أخي عبدالله
أنا أحب الشعر الفصيح
في العصور السابقة تجدني أميل إلى:
زهير بن أبي سلمى , والنابغة الذبياني , حسان بن ثابت , المتنبي, أحمد شوقي
وفي عصرنا الحاضر :
العشماوي , عائض القرني
حياك الله اخي الغالي ( خادم الدعوة )
قمة الذوق والاختيار قديما وحديثا
العشماوي شاعر الصحوة
ذلك الشاعر الذي يحرك وجدانك وكل مشاعرك
كلماته قوية جمعت بين التأسي على حال الأمة وبين شحذ الهمم العالية
شرفتني اخي بحضورك
:
( ياالله 00وش كثر انتي جميلة00
وش كثر انا احب00)
* مهندس الكلمة - بدر بن عبد المحسن -
:
ضيعتني واسأل الله الهداية
وين اجيب العقل؟؟ اجيبه من جيوبي!
من يعرفك ما يدل العقل رايه
ياشروق العمر مدري يا غروبي
أذكر انك كنت لي مثل الهواية
لو تروح ولو تجي يبقى شحوبي
بس مدري كيف صرت اليوم غاية
صرت اجي واروح مدري عن دروبي
* فهد المساعد
:
لو كرات الدم ترّث غلا وإلا اشتياق
كان أبتنافس على حبك أنا وولدي
أعشقك بس العذر منك ما يطلق وثاق
منته بـ مكة ليا اخطيت فيك أذبح فدي
* الداهية - سعد علوش -
:
دخيلك حطها بين المحاني : (
* عبد الله بن ذويبان
:
كان هالليلة بهاكي ماهو عادي ,
..كنتي انتي وانتي لما تكوني انتي ماهو عادي !
* المدهش - عبد الرحمن بن مساعد -
++
الفصيح لكل الجاهلين والأمويين والعباسيين والأندلسيين
الحديث أقرأ لـ محمد حسن علوان + سعاد الصباح + محمود درويش + مظفر النواب + أمل دنقل + أحمد مطر
عموما أنا أتنفس الشّعر : )
شكرا للشفق على هذه المساحة
.
أبو محمد اسمح لي عدت مرة ثانية
لأضع هذه القصيدة لحامد زيد
السفينــــــه
ضاقت وساع الفيافي والوعد متن السفينـه
للطريق اللي دعاني بعد أمـان الله وأمانـه
لاتنادينـي وصونـي قلبـك الله لايهيـنـه
لايراهن في رجوعي لجل مايخسـر رهانـه
ليه ما أرحل عن غرامك بعد ماذقت الغبينـه
أذكري لي شي واحد يستحـق أقعـد عشانـه
قلب ماحن لوصالي مانـي بحاجـة حنينـه
وأشهد أنـه مايعـزر بالرفيـع إلا هوانـه
الهـوى الغـدار حـد الله مابينـي وبينـه
والرجل لاخير فيه إن ماحفظ قدره وصانـه
واحدٍ مثلي اليا من حدتـه عوجـا سنينـه
ماشكى لقرب أبن آدم لوهو أقرب من أخوانه
يوم قلبـي ماعصـاك وماقدرتـي تذبحينـه
ليه خنتي فيه وأنتي معه من نفس الديانـه
كان ذبحي بيدك أرحم لي من اللـي تفعلينـه
وأن طلبتـك تذبحينـي ماذبحتينـي لعانـه
كل جرحٍ من جروحي تذكرينـه .. تنكرينـه
كن مالك في نزيفه يـد خانـت بالأمانـه
ينزف الخافق تواضع لين لطختـي جبينـه
والا أنا ماكنت أبيها توصـل لحـد الأهانـه
قلت من باب الميانـه صاحبـك وتعذبينـه
لعنبوك إرخي معاي أشوي ماصارت ميانـه
طعت عقلك يوم قيل إن العقل للبنـت زينـه
لكن الشرهه علي اللي كنت أحسب إنك تكانه
من بعد ماكنتي أنتي في حشاي أغلى سجينه
بوعدك بطلق سراحك وأتهمينـي بالأدانـه
وين رايح .. لأي دربٍ مايرجـع للمدينـه
ليه رايح .. لان قلبك ماترك قلبـي وشانـه
كيف أبنسى .. ربي اللي ملهم القلب السكينه
مثل ماعانه بقربك لانـوى فرقـاك عانـه
كان قاسي يجرح أطراف السكاكين السنينـه
مايطيح وبنتٍ مثلـك حبهـا هـزت كيانـه
والا أنا خابر خفوقـي مايمـد الا الثمينـه
وإن بغى يغيض الثريا قعد القمـرى وزانـه
مزعلٍ لجلك هنوفٍ رجـت عقـول رزينـه
وإن تهادت بالطريق الجرهدي تزهر جنانـه
جادلٍ كـن الجمـال قبالهـا كتـف يدينـه
والقمر لو شاورت له ينزح وتقعـد مكانـه
كانت أول من تحكم في فـروع الياسمينـه
وأن تعدتهن تثنـن خيزرانـه .. خيزرانـه
بعتها لجلك وصارت لأصغر أطرافك رهينـه
وألا هي لفتة هدبها تغمـرك ثقـل ورزانـه
والخفوق اللي تغذى مـن معـزة والدينـه
مشكلته إنه تعلق في زمـن ماهـو زمانـه
كل مازادت جراحه وأكتشف غلطة ضنينـه
صدقيه أن قال مابه شخص يستاهل حنانـه
يـوم نـادى يافلانـه مارضيتـي تسمعينـه
ليـن صـوت يافلانـه يافلانـــه يافلانـه
كنت أشوفك زعفرانه تقرض الورد وتدينـه
يمكن أني ماقطفتك بس أشوفـك زعفرانـه
كنت أهاب البعد عنـك وأطلبـك لاتذكرينـه
كان خوف من الفراق وخطوت الفرقا جبانه
وماقتنعت أن الخيانه للرجل تلـوي يمينـه
لين ماربي بعثك وذقت مـن طعـم الخيانـه
إسمحي لي .. مابقـى فينـي مكـانٍ تطعنينـه
وأقبلي من جوف قلبي كل عطفه وإمتنانـه
والله الله في عذابك بتركـك عينـك بعينـه
دلليـه ولايـرده عـن شقـاك إلا لسانـه
والا أنا قررت أسافر وأمتطي ظهر السفينـه
لأن مابه شي واحد يستحق أقعـد عشانـه
استمع للقصيدة هناالسفينة
شاعري المفضل .. هو مهندس الكلمه ..اقتباس:
المشاركة الأصلية كتبت بواسطة الشفق
البدر.. ماأن يمسك القلم حتى اجد اروع اللوحات قد رسمت ..
وإن رايته بمرسمه ينقش بفرشاته اجمل القصائد .. لا ولن اوفي هذا المبدع بكلماتي .. ولكن إلى موقعه
http://www.elbader.net/intro/index.php
والشعر الفصيح .. حسان امتنا .. شاعر الصحوه .. من اجد في نثره نظماً
د/عبدالرحمن العشماوي
ولمن أراد بعض من شعره
http://www.alshamsi.net/sh3r/ashmawee/poem_index.html
أخي مجرد إنسان .. هذه هدية لك من اختك ليالي
http://www.hamedzaid.com/
تقبل مروري ايه الشفق::sa05::
اقتباس:
المشاركة الأصلية كتبت بواسطة نيسَانْ ,!
حيا الله ( نيسان )
اسعدني حضورك وشرفني قدومك
بصراحة اختيار موفق جمع بين باقة ورود من شعراء يشهد لهم القاصي والداني
البدر وهل هناك غبر البدر يسرح بك في عالم من الخيال
لكن بصراحة ( عبدالرحمن بن مساعد ) احس إنه شاعر يلفق الكلمات تلفيقا حتى يخرجها
على صورة قصيدة مترامية الأطراف وهي من الداخل اشبه بالخراب .
تحياتي لك
اقتباس:
المشاركة الأصلية كتبت بواسطة مجرد إنسان
هلا وغلا أخي ( مجرد إنسان )
اعلم إنك تملك ذوقا رائعا وفكرا راقيا
قصيدة السفينة أكسبت حامد زيد شهرة واسعة
وهي مطلب الجماهير في كل أمسية له
واصدقك القول تعجبني كثيرا هذه القصيدة
ولكن بصراحة أحس إن طريقة القائه لها وليست كلماتها
هي من اعطت لها هذا الصيت الواسع .
القصيدة الرائعة هي من تتذوقها قراءة
وليس سماعا .
تحياتي وتقديري
اقتباس:
المشاركة الأصلية كتبت بواسطة ليالي جيزانs
حياك الله أختي ( ليالي جيزان )
نعم إنه البدر مهندس الكلمة
إليك هذه القصيدة
أوراق الزمن
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر
للشاعر الرائع / بدر بن عبد المحسن
اقتباس:
المشاركة الأصلية كتبت بواسطة الشفق
اقتباس:
المشاركة الأصلية كتبت بواسطة الشفق
صح .. عبد الرحمن بن مساعد يلفق الكلمات تلفيقاً :"))
والدليل ( قد الحروف ) .. لكن انظر لتجاربه مع ( عبادي ) .. ومع ( أصالة ) .. تجد أنها ناجحة جدّاً
أتحدّث عن عبد الرحمن كشاعر( غنائي ) يُعتبر منافِس قوي للبقية !
،
نسيت أن أضيف ابراهيم الرشود
شاعر عذب جدّاً , تجده هُنا
.
تجذبني طريقة إلقاء خالد الفيصل
وشعر بدر بن عبدالمحسن
شكراً أبا محمد