أعجتني هذه القصيدة وحبيت أن تقرؤها يامن تمتلكون الذائقة الأدبية الرفيعة
والله حوريه ولا هي بانسان @@@ خشفٍ تجر القلب جر السواني
جمال يوسف عندها فيه نقصان @@@ هي سيدة سيد جميع الحساني
على وشك يسجد لها الانس والجان @@@ مير الولي واحد ولا فيه ثاني
الناس تتشابه وهي فرقها بان @@@ الفرق واضح في جميع المعاني
زاهي بزينه زي زهرٍ ببستان @@@ من زود زين الزين زينه دهاني
ياما بأم العين شفت الحلا الوان @@@ لكن حشا ما مثلها مودماني
أروع من الروعه سحر ذيك الاعيان @@@ زودٍ على خصرٍ كما الخيزراني
ومن خدها المكياج يصنع على شان @@@ يتجملوا منه جميع الغواني
هي مصدرٍ للزين من وين ما كان @@@ ومن زينها تذهل رهاف الثماني
يغار منها كل مزيون فتان @@@ يقول زيني عندها ما كفاني
في دربها وقفت حاير وولهان @@@ وهي تعدت كنها ما تراني
تجاهلت ما كن في دربها انسان @@@ واقف ومتمسك بحبل الاماني
مغرورةٍ ماظن في قلبها ايمان @@@ ما تدري ان العمر وان طال فاني
ولا كسبت بي غير ذره من احسان @@@ شميت ريحة طيبها يوم جاني
ابتكلم بس وقفت حيران @@@ من هيبته عيا يتحرك الساني
أثر الحلا يرفع من القدر والشان @@@ يرفع قدر راعيه لاعلى مكاني
ومن حقها تغتر في حسنها ازمان @@@ من تامره ما ظنه يقول ماني
وان راح هذا الحسن والوقت خوان @@@ محدٍ مبادلها الغلا والحناني
كلٍ يبي ينظر لها بعين حقران @@@ ويغير اسلوبه معاها بثواني
ثم عاد ما يمدي اذا قلبها لان @@@ تموت احسن من حياة الهواني
وشنهي الدنيا بلا قلب والسان @@@ والشكل زايل مع مرور الزماني
على العموم البنت في شكلها الان @@@ كأنها من حور عين الجناني
وصفي لها ما يعني القلب شفقان @@@ ولا يعني اني من هواها اعاني
ولا يعني اني بحبها صرت غرقان @@@ لكن هوايةٍ عندي وصف الحساني
منقول لعيون الحلوين
أبي الردود لو سمحتم
