رحله في وجيه الناس من ملامحه تبان .....الشقى من السعد .......الفرح من العنا ........الكبير من الصغير
ذاك شايب خط وجهه من تجاعيد الزمن كل خط في جبينه يحكي قصه من معانات الدهر
كيف صار كيف كان كيف أرقه الكبر كيف عاش من تحول في تحول لين أصبح هو كذا
وذا طفل توه بادي توه لسا ما نضج توه باقي هو يقاقي ماعرف للهم طعم
وذا عابس وجهه يابس ظني بالهم انتكس من مرض ولا فقر ولا دين أو قهر
وذا بشوش الوجه صافي ما يهمه إللي يهم يضحك لو في دنياه عاني يطلب من الله الرضا
وذا خجول في ملامحه يبان أنطوائي الطبع ترسم بداخله صوره في جبينه تنطبع
وذا غروره مالي وجهه يحقرك لا نظر صوب وجهك وكن في وجهك بلا
وذا حزين مدري وش إللي جرى فاقد أهله وربعه ولا عمره ما أهتنا
وذا لئيم كل من حوله أبتعد كاسي وجهه الشحوب وفيه يذوب الشر وأنواع العنا
وذا عادي من البساطة أكتسب مره ضاحك ومره باكي مره هادي مره منتكس
وذا طبيعي ما يؤثره الزمن هو هو وجهه إللي له زمن
كلها لمحت وجيه في الدنيا تمر كل أماله تعيش بالطريقة إللي تشوف
وجيه يغيرها الزمن ووجيه تغيرها الظروف
شايب بعز الشباب وشايب من كبر
