أنا ما كنت أنا أحبك أنا كنت أعشقك واختال=أنا كنت اشربك واضماك وأرجع أشرب ادلالك
أنا كنت بزوايا الكون أشوفك عالم الآمال=واشوفك كل هـالدنيا بعيني إنت بالحالك
تذكر يوم نتخيل كبرنا وصار عندي عيال=وقلت أسمِّي ابإسمك إذا ماكانوا عيالك
تذكر يوم كان العمر يغنينا فرح موال=وادوزن خطوتي ابسكَّه توصّلني على جالك
هناك المدرسه و السور وبيت محمد الرحال=جدار وبيدك الفحمه تِكتِّبْ بَه و يحلالك
بآخر هذي اللفه بقالة مطلق البتال=ودايم مِنّها ناخذ حلاوة تشبة هبالك
تجنن وانت تاكلها وتعطي مِنّها الجهال=وتحكي هذي من "فطوم" جابتها وانا قبالك
كبرنا وصارت وعودك مابين العم والأخوال=ودايم حجتي حصه لأنها بس مَرَت خالك
تهندم لي على كيفي و تلبس لي شُمغ وعقال=واموووت إن شفت من زولك طرف هـالثوب وعقالك
ويوم اللي خطبني زيد غرت وصار حالك حال=وقلت الليله الليله أنا مهلوك أو هالك
لعينك أركب امواج الخطر مااسأل عن الأهوال=بعد قلبي صبر عالشوق و زود العشق وأهوالك
بعد هذا تقابلنا وجيت ابْيدّك السلسال=تلفه فوق عنقي لف كأنك توثق حبالك
تقولي لا حضر موتي أمانه إقطعي بالحال=شهقت وقلت من قلبي فال الله و لا فالك
سألتك ليه يا روحي بوجهك باين الغربال=ترى الأحزان ياعمري ماخِلْقت لك وأمثالك
و جاوب هـالدمع عنك بعد شفته بخدك سال=عرفت انك نويت البعد عازم فيه ترحالك
صبرت و قلت أبي أصبر و لو هذا البعد قتال=سنين أرتب آمالي وازينها بآمالك
بعد خمسه سنين ترد وألمح في يديك أطفال=وأسأل منهم اطفاله ؟ يقولوا لي هم اطفالك
كأنه شئ يكسرني يحطمني كذا ولازال=كأنه شئ ينحرني ويرميني على رمالك
تبسم وانت تسألني : كيفك ؟ هاه ؟ عال العال ؟=إلين اليوم مهبوله ؟ و لسه عايشه اخبالك ؟
وجاوبتك وانا همي على كتفي يهد جبال=انا ما كنت أظن بيوم تركن فوقي اجبالك
إذا كان الوفي مهبول ! ألا يا لعنة العقال=أمااانه لا تكثرها وبيدك شد سلسالك
