اذا المراجل لبسة شماغ وعقال قل للعذارى يلبسن العمايم

مناسبه القصيده : تقول الأخت كاتبةالقصيده ( بصراحه مادعاني اكتب الموضوع يشعرني بالخجل لحال بعض الشباب .....قبل يومين كنت اسمع شريط للشيخ يوسف الصالح خلاصة موضوعه انه يقول شاف له شاب على كورنيش الخبر لابس ( تنـــــــــوره ) طويله وبلوزه يقول الشيخ يوسف يقول صاحبي تشوف هذا الشاب هذي حالته معروف بالكورنيش دايم بهذا اللبس يقول ماقدرت اتمالك نفسي ورحت ومسكته .....وقلت له ايش هذا ياخوي
يقول رد علي بكل برود ( حــــــــــــريه شخــــــصيه ) ( القصه موجوده كامله في شريط يوسف الصالح - شباب رايح وين - شريط رائع لايفوتكم )
والحين الموضه الجديده عندهم تطــــــــــويل الشعر لاحظته بكثره ماتقدر تميز اذا بنت اوشاب الله المستعان)

اترككم مع القصيده


إذا المراجل لبسة شماغ وعقال .......... قل للعذارى يلبسنّ العمايم


ما عاد يفرق زول حرمه ورجال ..... دام الفعايل تشبه البعض دايم


المرجله ما هيب كلمه وتنقال ...... وتروح ما راحت هبوب النسايم



وإلا خشونة صوت أو رفع الأثقال .......... أو رزة صدور وفعل الزلايم



ولا هي بعد مفتاح موتر وجوال .......... وإلا ردى لسانن حديثه شتايم



المرجله شيمه عن القيل والقال .......... رفيع نفس (ن ) حر بالجو حايم



المرجله عقلٍ وزن وزنه جبال .......... ودون العقل وش فرقنا والبهايم



يا مسندي لو مايل الوقت بي مال .......... يا ولد أبوي يا عظيم العزايم



يا معرب الجدين من العم والخال .......... يا نخوة المفزوع وقت الهزايم



المرجله يا خوي هي طولة البال .......... هي العزم هي الصبر فالظلايم



فيها الكرم عزه دله وفنجال .......... فيها الكرامه عن ردى الطبع شايم



والدين لامنه خذا القلب منزال .......... مشى طريق الحق وابليس نايم



ومن لا عرف ربه في طيب الحال .......... لابد وقت الضيق بالهم هايم



حتى صلاتك مع جماعات ورجال .......... في خيرها يا خوي نعم الغنايم



ولامن نصف ليلك قم صفي البال .......... يا عظم أجرك بين ساجد وقايم



ولا من رفع ربي له كل الأعمال .......... حسن الذكر لا قالو فلان صايم



وخلك شريف القصد يا طيب الفال .......... سوء المقاصد فالبيوت الهدايم



واحذر تبيع النفس في درب الأنذال .......... وتتبع خوي إبليس راع النمايم



النفس خيل لك إذا كنت خيّال .......... ومن لا قوى نفسه قوته الهزايم



ولا صرت ما تدري لو يش أنت رجال .......... والله خسارة فيك ذبح التمايم

اقتباس:

---

المرجله ما هيب كلمه وتنقال ...... وتروح ما راحت هبوب النسايم


وإلا خشونة صوت أو رفع الأثقال .......... أو رزة صدور وفعل الزلايم



ولا هي بعد مفتاح موتر وجوال .......... وإلا ردى لسانن حديثه شتايم



المرجله شيمه عن القيل والقال .......... رفيع نفس (ن ) حر بالجو حايم


المرجله عقلٍ وزن وزنه جبال .......... ودون العقل وش فرقنا والبهايم

---

عز الله إنها الحقيقة

المرجلة في الأفعال والأخلاق وليست في الأشكال والمظاهر



شكرا cute dreams للقصيدة الرائعة
والقصة الجميلة

اقتباس:

---

المشاركة الأصلية كتبت بواسطة أبوإسماعيل

عز الله إنها الحقيقة

المرجلة في الأفعال والأخلاق وليست في الأشكال والمظاهر



شكرا cute dreams للقصيدة الرائعة
والقصة الجميلة

---

شكرا أبو اسماعيل
والحمدالله ان باقي رجال باقيهم على عاداتهم وتقاليدهم وأخلاقهم مش
حرية شخصية وتقليد الغرب
دامت لك الايام السعيدة
cute dreams

يا شيخ هذي القصايد ولا بلاش


بس لو ذكرتي اسم الشاعر اكون لك من الشاكرييييييييين