طرق اصطياد التماسيح للفتيات فقط ممنوع دخول أي تمساح ..
اللي تبي تخطف قلب واحد تدخل
الى كل فتاة ناشبة في حلق أهلها وماتصرفت
اليك عصارة راسي وبنات أفكاري أضعها بين يديكى
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
اسمعى افكارى وابعدى عن هالسوالف وماراح تندمين
للاجابة على هذا السؤال اليك مايلي :
أهم نقطة : فتشي على العجوز اللي حاطة عينك على ولدها وبعدها
ابتدى و نفذي الخطه هذى :-
1-خليك مع أمج لاتروحين مع البنات وتنهبلين ماورى الهبال سنع
اصبري عنهن كم شهر لين تتم العملية
2-امشي وانتي حاطة راسك بين كتوفك لاترفعينه أبدا
علشان يقولون خووش بنت مؤدبة ومو متكبرة
3 كلمة خالة خليها على لسانك وخاصة لأم التمساح علشان
تحس بنوع من التميز عن بقية العجز .لامانع تنادين وحدة ثانية
بخالة علشان إذا مانجحت الخطه
<<<<<<< انواع الخطط
بتكون اهى الاحتياط والبديل ههههههههههاي
4-إذا بدت أمك تتكلم انغزيها بكوعك علشان تدخلك بالموضوع
حتى لو مالك داعي تطبيقا للمثل (كثر الطق يكسر الحديد) أدري
إن المثل ماله دخل بس مالقيت غيره
5-اخوانك الصغار لاحقيهم وطامري وراهم وين مايروحون حتى لو مو
عادتك بس تصرفي معهم كأنك أمهم ...لأن هذا يوحي بما لايدعو مجال
للشك عند العجوز بأنج حريصة على ذريتك (جعلهم عقبك )
6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )
7-دايم ارتزي كأنك بالعة قصبة علشان ماينقص من طولك
ولا سنتيمتر (للقصيرات)
8-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها
(بس لاتكتمين نفسك مرة أخاف تروحين فيها وأصير قتلت
نفس بغير حق )
9-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة
10-شعرك افرديه لاتخلينه طاير وشوشة مهما كانت الموضة لأن العجز
مايدوّرون الا اللي شعورهن ناعمة والا ياعمري اللي شوشهن
طايره ماحد يلتفت يمهن ......
11-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي
مثلا تقول العجوز:أمس بوش متقهوي عندنا
قولي لها : وليه ماعلمتينا ياخاله نجي نعاونكم ...!!
12-في العروس والزواجات لاترقصين اربطي واقضبي ارضك واعتبري الرقص عيب وشق جيب ...
13-اذا جا طاري السوق وطبعا هو لازم يجي الطاري لأنه ملح الجلسة
عند الحريم خلي أمك (الله يعظم أجر أميمتك)تقول بناتي مايطلعون
للسوق أغراضهم انا أجيبها
(وانتي شكلك مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها
بتصرف نظر عنك وعنها < (أمزح لاتصدقين )
الحين بتكون العجوز وقعت بالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك
خلي أبوك يقول له :والله ودي تشوف البنت
بدون ماتدري علشان تأخذ راحتك وانا عمك
وبعدين تشوفها على الطبيعة علشان ماتقول بعدين غشيتوني
وقبل يجي اليوم اللي بيشوفك فيه بحوالي اسبوع أو أكثر
(على حسب شين وجهك ) ادهري من مشغل لمشغل
(صبغه ، فرد، تنظيف بشره،الخ) لاتخلين
على روحك قاصر ..........
ولما يجي المعرس خلي أخوك يوقف بجنبه عند الشباك علشان مايطول
بالتبحلق ويبان المستخبي وذلك تطبيق لنظرية اللمحة ذبحة
بعدها عاد شلوون بيشوفك هذي عليك مو كل شيء بعلمك
اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك
ترا (البنت حوسة (مع انك طاقة كل زينتك )
في هاللحظة الولد بينط على راس أبوك وبيمطخه لين يشفط مخه
وبيقول متى العرس ياعمى (الف رحمه ونور عليك يالمعرس رحت فيها)
والف مبرووووووك عليك
<<<<<< كيدهن عظيم
>>>>تحذير <<<<
ابعدي عن أمهات العيال اللي متعلمات راعيات الشنطة مثل لون الجزمة
لأن هذولي يبيلهم خطط بعيدة المدى
صعبه عليكم تنفذونها بروحكم ههههههههاي
http://www.kuwaite.com/vb/images/icons/14.gif
