الانجليزي بطريقة مضحكة و سهلة في دقائق معدوده

http://www.5aled.com/vb/images/icons/63.gif الانجليزي بطريقه مضحكه وسهله في دقايق معدوده

بسم الله الرحمن الرحيم
نبــــــ*_^ـــــــــــــدأأ^^


افرض واحد ضربك على راسك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا


هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخش مدرسين ومدرسات الإنجليزي

هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول


وانت واقف تطالع المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع



من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب


يعني تقدار تقول= ادفع الباب او دف الباب = push the door = بوش ذا دور


كلمه ثانيه:واحد يقولك: كيل تفاح تصير قوي_ كيل برتقال _كيل موز


لاحظ ( كيل ) كيل -كيل = تعني = يقتل او اقتل = kill
مثال = اقتلني = كيل مي = kill meاو= اقتله = كيل هيم= kill him


كلمه ثانيه:


واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:



وعلى فكره كلمة = com الي تشفونها في الرابط = تعني = شركه = وهي اختصار كلمة = company


تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let us go = ليتس قوه




كف = فيه احد ما جاه كف على وجه ؟ انا بصراحه تصفقت لين دخت وانا صغير


كف= معنها = كحه . كف = cough تقدر تقول= i have cough = اي هاف كف = انا عندي كحه او سعال


مذر كير = من مافيه من البنات مايعرف مذر كير = هذي ماركه تهتم بملابس الأطفال او اسم


محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم


مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين


مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر


كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو


انا اهتم = i care = اي كير


باور هورس = مشروب الطاقه المعروف موجود في السوبرماركت = لو تلاحظون عليه رسمة حصان


هورس = حصان = horse باور= قوه =power


ركزوا معي في تركيب الجمله = انا عندي حصان = i have horse =


لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره


الرئيس الأمريكي السابق ( بيل كلينتون )


بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك


بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس او السن





هذا الحرف وشلون تنطقونه ( T ) = تي صح = تي ,تي , تي= معنها = شاهي = tea = تي


سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك


سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر


فار = مخلوق نذل يصعب مسكه الى اذا جبت له البسهـ لأن البسه رجال ومايخاف اما نحنا الله يخلف علينا والله كان نخاف وتوصل انه ننقل من الحي كله ونترك له البيت ***** هالفار


فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم


ني = اللحم ني او الدجاج مو مستوي ني
ني= knee = معنها = ركبه


بس ماعليكم من حرف الكاف في بداية الكلمه ماينطق =knee = تنطق = ني


كان = ( كان) ياما( كان) في قديم الزمان ( كان ) فيه ..


كان * CAN * يستطيع او يقدر * انا استطيع * I CAN


ممكن يكون معنها اسم بمعنى " علبه او صفيحه " يعني علبة البيبسي تسمى كان لأن فيه فرق بين العلبه والقزازه

اتمنى انكم استمتعتوا واستفتدوا

شيء ممتاز يعطيك العافية

klose

والله إستفدت

سلمت يداك طريقه حلوه

شاكر لكم المرور وتقبلوا تحياتي

اهلا وسهلا بك

صراحه ابداع


بالتوفيق يا غالي ولا تحرمنا ابداعك

مبدع klose
ويعطيك الف عافيه موضوع مهم وطريقه روعه .

يسلموا على المرور
لا عدمناكم

طريقة مفيدة للمبتدئيين

شكرا جزيلا