كلمة عتب ..
ابتدا بكلمة عتب ..
وينك انت ِ .. انتظرتك
خلصت ناري الحطب !!
ليــه غبت ِ ؟؟
ليه عن قلبي بعدت ِ ؟؟
ليه لما احتاج يقتلني غيابك ..
وانا واقف عند بابك
ما سألت ِ شاللي جابك ؟
وش اللي فيني ؟
وش اللي دايم في غيابك يعتريني..؟
آه من هم ٍ دفنته وسط صدري
وش اللي تنتظره سنيني ؟
العمر ما ينتظر ..
في سباق يجري
وانت أتعبتي سنيني..
جاوبيني : ليـــه غبت ِ ؟؟؟
تدري إني دايم استناك
واشعل لك قناديلي ..
وأعطر كفي والباقي من الأيام
واشم في ريحتي صوتك
ينااااااااااااديلي :
أنا مالي سواك انسان أتحراه
واحقق كل مايطري على باله
ويتمنااااااه ..
تراك انت الوحيده اللي على صدرك
أقول الآه ..!
وتدور عيونه .. يتساءل
أنا توي سمعت صوتك يناديني
وجيت ملهوف..
تسابق خطوتي الأيام
واقول اسرع منتظره تلاقيني
وقفت عند نفس الباب ..
ولابه غيري ينتظرك
تحريتك ..
وعرفت ان الأمل كذاب ..
لكني تمنيتك ،، تمنيتك
فتحت الباب أهلي به
تفضل يا زمان الجور ..
تفضل بس لا تسأل
منو آنا..؟
من اللي في الهوى عانى ؟
ومن اللي يمشي في ظلك
حزين وخاطره مكسور ؟؟
مشينا في صمت انا وياه
يتحداني واتحداه !!
من فينا يحدد وجهتك إنت ِ؟
وأنا الأدرى ..
لأنك في وسط عيني
وفي قلبي سكنت ِ ..
بس قوليلي بصراااااحة
وين كنت ِ ؟؟؟
ليه تخليني وتروحي
يابعد عمري وروحي
وانت ِ أدرى إني بغيابك أذوب
وتختلف عندي عناوين الدروب
لما أسأل وين إنت ِ؟
يعني أحتاجك تجيني ..
ولما أسأل وين كنت ِ؟
يعني يشتاقك حنيني ..
ولما أسأل هو إنت ِ باقي إنت ِ؟
يعني خليك قريبه
يا حبيبه .. من أنيني ..
ومن الحياة لا تحرميني !
آاااااه لو تدري بشوقي
كان ما ذبلت عروقي ..
كان كل همسه وكل لمسه
وكل احساس يصرخلك
من تحتي لفوقي ..
ما تفوووووقي !!
في بعادك لا تخليني أعاني ..
في بعادك ..
قلبي يخفق .. خوف .. غيره
لا تحبي شخص ثاني ..
ياللي أتعبتي مشاويري
وتفكيري وكياني ..
أوعديني لا تغيبي عني أكثر
أوعديني..
إني إحساسك أكون
إبعدي عني الظنون
خلي حبي في فؤادك
يعتلي يكبر ويكبر ..
أوعديني ..لجل أنسى قسوتك
ولجل أعيش بدنيتك..
لا تغيبي .. أوعديني
:
:
بس خلص من كلامه
وكنت انا ..طير طاير
مثل هاذيك الحمامه
تلبس الفرحة..
وترفرف بابتهاج
تنثر البسمة..
وتحلق في هيامه ..
*
*
*
*
ابتسمت وهو عبـس وجهـه وقفـى وابتعـد=ورحـت أركـض لـه وتشبـثـت ابثيـابـه
كنـت أدور فيـه هـذاااك الحبيـب والسنـد=وامتلى قلبي بقربه حـب واحسـاس ومهابـه
آااااااه ياني كثـر أحبـك حـب ٍ بليـا عـدد=آاااااه ياني كثر أحبك حب ما تقـوى عذابـه
إنت أهلي وكل ناسي وإنـت عمـري يابعـد=إنت أرضي المعشبة لا هي بوار ولا جدابـه
إنت مالينـي حنـان وبطلبـك مـدد .. مـدد=إنت أرضي المورقة وانا من فوقـك سحابـه
ياحبيبي.. يا بعد عمـري.. يـا أيـام السعـد=خل قلبك يحتـوي قلبـي ولا يـزود عتابـه
دايم اقرا في غيابـك( قـل هـو الله أحـد )=واتعوذ لك بثنتيـن ٍ( لجـل يُحفـظ شبابـه )
يا حبيبي دامـك بقربـي تـرى فينـي جلـد=وآه لو تبعد أمـــوووووت مـن الكآبـه
يا خلية حب يا منحـل علـى اطرافـه شهـد=ياعسل صافي يـذوب وفيـك ألقانـي مذابـه
أوعدك مـا عـاد اغيـب يـا حياتـي للأبـد=بس بشوفك في غيابي تضيق ولا في رحابه !!
البنفسج
