من اصعب المواقف ان تودع من تعشقه

من اصعب المواقف ان تودع من تعشقه
وانت تراه
يفارق الحياه

حبيب قد ملئ عليك الدنيا بطيبته وحبه الصادق .. وكأنك تشعر بأنك هو .. لايريد لك الا السعاده

والتوفيق ويتبسم لك حتى لو هو في اشد واقسى الظروف لكيِ لاتشعر بضيق منه

وفي قمة الوفاء
وعلى الفراش الابيض بعد مازاد عليها
المرض

زرتها
لنسمتع لما حدث

هلا بك يابعد عمري ياقلبي انت ياالغالي
تهلي بي عيون الحب من اخر ليالـــــيها
تقول ارجوك لاتهتم انا في احسن احوالي
تبسم لي وهي تمسح دموع العين بيديها
تقول الدنيا وش تسوى اذا ماشفتك اقبالي
ابيع الكون لعيونك لجل لحظه معي فيها
تموت من الالم لكن تبي ماينشغل بــالي
الا ياناس ياعالم وربي من يســــــاويها
وهلت دمعة عيوني بعد ماضاق بي حالي
سجدت ادعي بدون شعور الا يارب تشفيها
وقالت لو يشيلوني وعنك شدو ارحالي
امانه يابعد روحي ابي روحك اوصيها
ابيك اجمل من الاول ابي كل ماتهيالي
بعد موتي اشوفك مهتني روحي تهنيها
الاياطـــيبة الدنيا الاشـمسي وظــــلالــي
نهاية روحي من قبلك عسى ربي يبديها
وشالوها بسرير ابيض وزاد الهم غربالي
وضاقت فيني الدنيا وانا نفسي امنيها
وراحت تنتظر رجعه ودمع العين همالي
الا لو العمر يعطى قسم بالله لاعطيها
وطاحت وردة من كفي وانا ماشي على فالي
لقيت الشال في يدي يضمه قلب مغليها
جلست اراقب الساعه واانا ادعي ربي الوالي
عسى ياربي يارحمن ياقادر تنجيـــــها
انا من لي بالهدنيا واعيش اشلون بحالي
بعدها ماابي نفسي وحتى الـناس مابيها
قسم بالله لو موتي يجيني قبلها اشــــوالي
ولاابي تبعد و تـــرحل وانا مــااقدر اوفيــها
وجو لي اربع اطباء وقلبي مشتعل صالي
امانه هاه قــولو لي امــــانه وش حصل فيها
وقالو
وقالو
وقالو

وقالو البقاء براسك وصاب الارض زلزالي
تزلزل كل مافيني بكــــــت نفسي وامانيها
ولاكني بهالدنيا صرخت بصوتي العالي
الا يامصعب الفرقي وروحي من يواسيـــها
عسى الرحمن يرحمها ويغفر اول وتالي
وعسى ياربي بالجنه بعد موتي الاقـــــــــــيها

تودعني وهي تبكي تقول إشلون أنا بصبر

تغيب عني وأنا أغيب عن الدنيا وما فيها

أنا ياغايت أحلامي غيابك موتي الأكبر

وأنا أقول عليء أرفق ترى دمعي موفّيها

دمت بكل ود وتقبل مروري

تصدق تمر على الشخص أوقات يعاني و يتعب ويتعذب ويتمكن منه الألم ويتمنى الموت على إن يفارق حبيبه وهذا حالي لاكن عزاي إنه مرتاح وعايش متهني

أشكر لك مرورك دتم بخير

اقتباس:

---

المشاركة الأصلية كتبت بواسطة Amir Al-nada

هلا بك يابعد عمري ياقلبي انت ياالغالي
تهلي بي عيون الحب من اخر ليالـــــيها
تقول ارجوك لاتهتم انا في احسن احوالي
تبسم لي وهي تمسح دموع العين بيديها
تقول الدنيا وش تسوى اذا ماشفتك اقبالي
ابيع الكون لعيونك لجل لحظه معي فيها

---

ما اروع هذه الابيات وما اصعب فراق المحبين
(Amir Al-nada) كادت تبكيني الله يسامحك ويعطيك العافيه

احساس صادق انت الأروع وأشكر لك مرورك الجميل
ولا استغرب اذا بكيت لأن اختيارك لهذا اللقب ( احساس صادق ) يدل على احساسك المرهف

تحياتي لك ودمت بخير

فعلا ما أصعب لحظات الفراق

وخاصة بين الأحبة وكأن الموت ينزع روحك ..... الله لا يفرق بين حبيب وحبيبه ...

سلمت أخي على الطرح

صدقني يا أخي الفراق أصعب من الموت لإن الموت مره وحده وترتاح لاكن الفراق موت بكل لحظه تعيشها

أشكر لك مرورك دمت بخير