إمرأه عزباء تدعى نادية سليمان تضع 8 توائم وتسبب ضجه اعلاميه

القصه حاصله في أمريكا .. وفي كل نشره اخباريه يجيبون شي عنها
وحبيت انقل لكم قصتها
اسمها ناديه سليمان .. نصها عربي والنص الثاني اجنبي
تقول انها تحاول من سنين تجيب اطفال .. تقريبا 7 سنوات وهي تحاول تنجب ...هي كانت وحيده امها وابوها عشان جي كانت تبي عايله كبيره ..
وعن طريق عياده التلقيح قدرت تجيب كذا توأم .. وصار مجموعهم 6 واعمارهم تتراوح بين 2-7 ... وبعدها حاولت مره ثانيه لانها تبي بنت .. فانتهت ب8 والحين يحققون في السالفه لانه مش معقوله انه عياده تزرع هالعدد من الاجنه ...
الخلاصه عندها 14 طفل ..
وقبل لا ينتشر خبرها ما سمحت لاي حد يعلن عن اسمها وحبت تكون مجهوله الهوية ، عشان الوكالات الاعلاميه تتنافس على السبق الصحفي ..
ولما ولدتهم حطت مبالغ وتسعيرات لبيع قصتها .. تقريبا مليونين لكتاب .. وتبي تسوي برنامج ريالتي تي في ومقابلات ..
يقولون فاتوره المستشفى تتراوح بين مليون ونص الي 3 ملاين دولار

والناس معصبين عليها لانها خذت من الحكومه 100 الف دولار تعويض لاصابات صادتها في ظهرها لما كانت تشتغل في مستشفى نفسي ... ويقولون انها مش مسؤوله عن الاطفال وانها مجنونه وعندها هوس باليهال ... وانه ال8 ممكن يحسون انهم منبوذين .حتى جارها حاسدها على الفلوس اللي بتحصلها .. ويقول انها ماتستاهل هاي فلوسنا احنا فلوس الحكومه اللي احنا ندفعها ههههه.. والكل يتسائل انها من وين بتصرف عليهم

هي صدق غير مسؤوله بس اذا حد بيحاسبها لا يحاسبها على امور مالها دخل مثل سالفه تعويض ظهرها القديمه ... يعني يحاسبونها انها عرضت الاجنه للخطر وانه البيئه اللي بيربون فيها بيئه مش طبيعيه
وازيدكم من الشعر بيت الاخت تبي تكمل ماجستير في خريف 2009 .. بتقولون كيف وهي ام عزباء ؟ هي معاها امها وابوها رايحين جايين يساعدونها ..
وكل الاطفال من ابو واحد متبرع للعياده مالت التبرعات .. تعرفون نفس الافلام ... يقولون انه منصدم هههههه
وهي تتمنى انه يتعرف على عياله

أو أو أو

تيه عين امبسس
مبسس تهب من 6

وتيه هبن 8

وزيدا بلا جوز

الله يستر عشنا وياما شفنا

مدن الأحزان

الله لا يبتلينا
مشكور على المرور
يعطيك العافية

مع تقديري
ارجوا التمسك باللغة العربية الفصحى
في سرد الخبر أو صياغة القصة

وفقكم الله0

شكراً أختي
أنوار
على إنتقادك
وما يسير خاطرك إلا طيب

أم عزباء


من هنا تبدأ مخالفة قوانين الله عز وجل وقوانين الفطرة

وهؤلاء القوم لديهم حرية متفسخة نسأل الله تعالى أن ينجينا منها


شكرا ابو جوليا

ابو إسماعيل

نورت متصفحي

الله يعطيك الف عافية