ان قلت ماني بمشتاق

اكذب عليك ان قلت ماني بمشتاق
...............واكذب عليك ان قلت حبك نسيته
خل الكلام اللي طعن صمت الاوراق
...............يحكي لك اللي ما نطقت وحكيته
ناظر عيوني شوف تاثير الاشواق
...............شوف الفرح وشلون بعدك جفيته
كتفي يشيل من الزمن فوق ما طاق
................والضيق يرضى بي وانا مارضيته
الى متى وانا انتظر لحظه اشراق
..................الى متى والحزن هالقلب بيته
الى متى والهم ينحت بالاعماق
...................واسقيه من فراقك دمع بكيت
ياصاحبي شف خاطري ما بعد راق
.............بنفس الطريق اللي انتهى وابتديته
ضاق الزمان وكل شي بعدك ضاق
..............حتى القصيد اللي بصدري احتويته
عمر الشعر ما ضيق صدور الاوراق
....................الضيق ضيقي لاكتبت وقريته
تعبت اجمع ما بقالي من اشوااق
....................واقول ليت الوقت يفهم ياليته
ياقو قلبك وانت محرقني احراق
...................أرفق بحال اللي ذكرك ونسيته
تدري عزاي ان حدك القلب تشتاق
.......................دور علي بكل درب مشيته
يمكن تلاقي درب بدروب الفراق
.........................يجوز ربي كاتبه واهتديته
ومدام ربي في يده قسم الارزاق
.......................انا اقتنعت بما كتبه ورضيته



(الصندوق الاسود)

الي يكتب مثل هذا القصيد .... معناه انه انكوى من نار الاشواق
تعبيرك اكثر من رائع ...... وكلمات معبرة جدا وكنها تجسد مقدار الحب
الذي بقلبك

لا التناسي يفيد ولا النسيان ............... ومن منا ياناس ينسى محبوبة

رااااااااااااااااااااائعه جدا جدا